ۇيىمداسقان قىلمىستىق توپتىڭ تاعى ءبىر مۇشەسى سەربيادان ەكستراديسيالاندى

قازاقستان رەسپۋبليكاسىنىڭ باس پروكۋراتۋراسى قازاقستاننان تىس جەرلەرگە قاشىپ كەتكەن زاڭ بۇزۋشىلاردى ەكستراديسيالاۋ بويىنشا جۇمىستاردى جالعاستىرۋدا. 

اعىمداعى جىلدىڭ 18 قاراشاسىندا «OLIMP KZ» بۋكمەكەرلىك كەڭسەcءىنىڭ قىزمەتىمەن بايلانىستى قىلمىستىق توپتىڭ قۇرامىندا بولعان كۇدىكتى گەرمانيادان قازاقستانعا ەكستراديسيالانعان بولاتىن.

بۇگىن باس پروكۋراتۋرا، قارجىلىق مونيتورينگ اگەنتتىگى جانە ءىىم-نىڭ ينتەرپول قىزمەتكەرلەرى سىرتقى ىستەر مينيسترلىگىنىڭ كومەگىمەن ونىڭ سىبايلاسىن سەربيا رەسپۋبليكاسىنان ەكستراديسيالادى، دەپ حابارلايدى Almaty-akshamy.kz.

ولار 2014-2019 جىلدارى قىلمىستىق توپتىڭ قۇرامىندا زاڭسىز قۇمار ويىندارىن وتكىزۋگە، سالىقتى جانە بيۋدجەتكە تولەنەتىن باسقا دا مىندەتتى تولەمدەردى تولەۋدەن جالتارعانى، سونداي-اق قىلمىستىق جولمەن الىنعان اقشا مەن مۇلىكتى زاڭداستىرۋعا قاتىسى بار دەگەن كۇدىككە ىلىنگەن.

اتالعان زاڭسىز ارەكەتتەردىڭ سالدارىنان مەملەكەتكە 86 ميلليارد تەڭگەدەن استام شىعىن كەلتىرىلگەن.

وسىعان بايلانىستى كۇدىكتىلەرگە قاتىستى سوتقا دەيىنگى تەرگەپ-تەكسەرۋ باستالىپ، كەيىن ولار حالىقارالىق ىزدەۋگە جاريالانعان.

قىلمىستاردى جاساعانى ءۇشىن مۇلكىن تاركىلەۋمەن 3 جىلدان 10 جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەن.

قازىرگى ۋاقىتتا كۇدىكتى استانا قالاسىنىڭ تەرگەۋ يزولياتورىنا قامالدى.

ايتا كەتەيىك، فيگۋرانتتى ەكستراديسيالاۋ قازاقستان مەن سەربيا اراسىنداعى «ۇستاپ بەرۋ تۋرالى» شارتتىڭ بولۋىنا بايلانىستى مۇمكىن بولدى.