قىتايدا ەرەكشە وياتۋ قۇرالى جاساپ شىعارىلدى.
ۇيقىدان تۇرعىزباي قويمايتىن وياتقىشتىڭ ەرەكشەلىگى - ونىڭ ۇشاتىندىعىندا،دەپ حابارلايدى Almaty-akshamy.kz.
Flying Alarm Clock دەپ اتالاتىن وياتقىشتىڭ كومەسكى جارىعى جانە دىبىس سيگنالى شىققان كەزدە ىسكە قوسىلاتىن پروپەللەرى بار. بۇل تۋرالى «ۆوكرۋگتەحنو» Telegram-كانالى حابارلاعان.
«بۇل وياتقىش تاعى بەس مينۋت ۇيىقتاي تۇرۋعا مۇمكىندىك بەرمەيدى. قاراپايىم زات بولعانمەن، ۇشىپ جۇرگەن وياتقىشتى تاۋىپ العانشا، پروپەللەر دىبىسى وشپەيدى»، — دەيدى قۇرىلعى اۆتورلارى.
ۇشاتىن وياتقىشتا دىبىستىق سيگنالدى قوساتىن كىرىكتىرىلگەن ديناميك بار ەكەنى اتاپ وتىلگەن. يەسى ونى وڭاي ءوشىرىپ الماس ءۇشىن قۇرىلعى پروپەللەردى ىسكە قوسىپ، يەسى دابىلدى ۇستاپ الىپ، ونى ورنىنا قويعانشا بولمەنى اينالىپ ۇشىپ جۇرەدى.
ۇشاتىن وياتقىشتىڭ كورپۋسى پلاستيكتەن جاسالعان جانە ونىڭ جۇمىسى ءۇشىن AA ءتيپتى بەس باتارەيا قاجەت. قۇرىلعى جۇڭگو نارىعىندا AliExpress سايتىنىڭ ساتىلىمىنا شىعارىلىپ ۇلگەرگەن.