ماماندار وسىنداي بولجام جاساپ وتىر. ەلىمىزدە بۇل زيانكەستىڭ 270-تەن استام ءتۇرى بار.
ولاردىڭ 10-15 ءتۇرى ەگىن ءۇشىن ءقاۋىپتى جاندىك سانالادى. اقتوبە وبلىسىندا 784 مىڭ گا، قوستاناي وبلىسىندا – 776 مىڭ گەكتار جانە تۇركىستاندا – 271 مىڭ گەكتار اۋماققا تارالعان، دەپ حابارلايدى Almaty-akshamy.kz 24.kz-كە سىلتەمە جاساپ.
ءۇيىرلى شەگىرتكەلەرىمەن كۇرەس ءۇشىن رەسپۋبليكالىق رەزەرۆتەن 8،1 ملرد تەڭگە ءبولىندى. سونىمەن قاتار 2،46 ملن گەكتار جەردى وڭدەۋ ءۇشىن پەستيسيد ساتىپ الىندى.
"شەگىرتكە كورشى ەلدەردە دە تارالعان. وسىعان وراي، شەكارالاس مەملەكەتتەرمەن جاسالعان كەلىسىمشارتتار بار. رەسەي فەدەراسياسىنىڭ اۋىل شارۋاشىلىعى مينيسترلىگىمەن بايلانىس ورناتىلعان، كەڭەس وتكىزىلىپ، شەكاراداعى احۋال قاتاڭ باقىلاۋدا. سونىمەن قاتار جۇڭگو حالىق رەسپۋبليكاسىمەن، وزبەكستان رەسپۋبليكاسىمەن جانە قىرعىز رەسپۋبليكاسىمەن وسىنداي جۇمىستار جۇرگىزىلىپ، شەكارالىق ايماقتاردا بىرلەسكەن زەرتتەۋ جۇمىستارى جۇرگزىلۋدە"، - ق ر اشم كوميتەت ءتوراعاسىنىڭ مىندەتىن اتقارۋشى دارحان ابدىكارىموۆ.