كەزدەسۋ بارىسىندا قاسىم-جومارت توقايەۆ پەن ديلحان پەللەي «سامۇرىق-قازىنا» قورى مەن Temasek كومپانياسى اراسىندا ستراتەگيالىق سەرىكتەستىك ورناتۋ مۇمكىندىگىن تالقىلادى، دەپ حابارلايدى اlmaty-akshamy.kz.
پرەزيدەنتتىڭ ايتۋىنشا، اتالعان باستاما ىسكەرلىك بايلانىستاردى كەڭەيتۋگە، ەكونوميكالىق ءوسىمدى ىنتالاندىرۋعا ىقپال ەتەدى. مەملەكەت باسشىسى قازاقستان تاراپىنىڭ Temasek كومپانياسىمەن تىعىز سەرىكتەستىك جاساۋعا مۇددەلى ەكەنىن ايتتى. قاسىم-جومارت توقايەۆ سينگاپۋرلىق كومپانيانى قازاقستان ەكونوميكاسىنىڭ ءتۇرلى سالاسىندا بىرلەسكەن ينۆەستيسيالىق جوبالاردى جۇزەگە اسىرۋ ىسىنە بەلسەندى اتسالىسۋعا شاقىردى.
ديلحان پيللەي كولىك جانە لوگيستيكا سالالارى بويىنشا ءبىزدىڭ ەلمەن اراداعى ىنتىماقتاستىق پەرسپەكتيۆاسىنا جوعارى باعا بەردى. قازىرگى ۋاقىتتا سينگاپۋرلىق كومپانيا قازاقستان ەكونوميكاسىنا قاتىسۋ مۇمكىندىكتەرىن زەردەلەپ جاتىر.
كەزدەسۋدە بىرلەسكەن ينۆەستيسيالىق قور قۇرۋ، سونداي-اق سيفرلاندىرۋ، ەلەكتروندى كوممەرسيا جانە جاڭارتىلاتىن ەنەرگيا كوزدەرى سالالارىنداعى ىقپالداستىق ماسەلەلەرى قاراستىرىلدى.
Temasek – سينگاپۋردىڭ 1974 جىلى قۇرىلعان ەڭ ءىرى ينۆەستيسيالىق كومپانيالارىنىڭ ءبىرى. الەمنىڭ 9 ەلىندە كومپانيانىڭ 13 وكىلدىگى بار.