ۇيالى بايلانىس ءتاريفى نەگىزسىز قىمباتتاپ جاتىر

ءماجىلىس دەپۋتاتى ەلنۇر بەيسەنبايەۆ ۇيالى بايلانىس تاريفتەرىنىڭ قىمباتتاۋىنا بايلانىستى ۇكىمەتكە ارنايى ساۋال جولدادى. 

«باسەكەلەستىكتى قورعاۋ جانە دامىتۋ اگەنتتىگىنىڭ مالىمەتىنشە، ۇيالى بايلانىس قىزمەتتەرىنىڭ تاريفتىك جوسپارلارى 2023 جىلى 57%-عا دەيىن وسكەن. 

ال 2021-2022 جىلدارى تاريفتەردىڭ ءوسۋى ورتاشا العاندا 13-تەن 37%-عا دەيىن بولعان»، – دەدى دەپۋتات.

بەيسەنبايەۆتىڭ پايىمىنشا، 2023 جىلدىڭ ساۋىرىندە بيلاين «ياركيي» تاريفتىك جوسپارىن 1 790 تەڭگەدەن 2 490 تەڭگەگە دەيىن (ءوسىم 39%)؛ كسەلل مەن تەلە2 تامىز ايىنان باستاپ ءتۇرلى تاريفتىك جوسپارىنىڭ وسەتىنىن مالىمدەگەن. 

مىسالى، «رەالنىي بەزليميت» (كسەلل) 3 390 تەڭگەدەن 4 390 تەڭگەگە (ءوسىم 29 %)، «پروستو سۋپەر» (تەلە2) 2 590 تەڭگەدەن 3 290 تەڭگەگە (ءوسىم 27 %) ارتقان.

ەڭ قىزىعى، اكتيۆ، كسەلل وپەراتورلارى تاريفكە 1 مىڭ تەڭگە، ال ارنايى الەۋمەتتىك جەلىلەردەگى ينتەرنەتتى ءليميتسىز قولدانۋ ءۇشىن تاعى 990 تەڭگە ۇستەمە قوسىپ وتىر. سوندا 3390 تەڭگەلىك تاريف 5380 تەڭگەگە دەيىن، ياعني، 59 پايىزعا قىمباتتادى، – دەدى ول.

بايلانىستىڭ باعاسى قىمبات بولسا دا، ساپا سىن كوتەرمەيدى. 

بايلانىس وتە ءالسىز جانە ينتەرنەتتىڭ جىلدامدىعى تىم باياۋ. 

Speedtest رەيتينگى بويىنشا ءموبيلدى ينتەرنەت جىلدامدىعىنان قازاقستان 142 ەلدىڭ اراسىندا 67-ورىندا تۇر.