وتاندىق نارىق مونوپوليادان تولىق ارىلعان ۋاقىتقا دەيىن ۇيالى بايلانىس قىزمەتتەرىنىڭ باعاسىن مەملەكەت رەتتەۋى مۇمكىن.
مۇنداي ۇسىنىس اشىق نقا پورتالىندا جاريالانعان «ق ر كەيبىر زاڭنامالىق اكتىلەرىنە باسەكەلەستىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭىنىڭ جوباسىنا رەتتەۋشى ساياساتتىڭ كونسۋلتاتيۆتىك قۇجاتىندا كوتەرىلگەن، دەپ حابارلايدى Almaty-akshamy.kz.
«ق ر كاسىپكەرلىك كودەكسىنىڭ 116-بابى 3-تارماعى 14-تارماقشاسىنا سايكەس، مەملەكەت قوعامدىق ماڭىزى بار نارىقتارداعى كاسىپكەرلىك سۋبەكتىلەرىنىڭ تاۋارلارىنا، جۇمىستارىنا، قىزمەتتەرىنە باعالار مەن تاريفتەردى رەتتەيدى»، - دەلىنگەن قۇجاتتا.
الايدا، باسەكەلەستىكتى قورعاۋ جانە دامىتۋ اگەنتتىگىنىڭ كۆازيمەملەكەتتىك سەكتورعا جاتاتىن ۇيالى بايلانىس وپەراتورلارىنىڭ قىزمەتتەرىنە باعا بەلگىلەۋ قۇقىعى جوق، -دەپ جازدى قازاقپارات.
ۆەدومستۆو دەرەگىنشە، بايلانىس تاريفتەرىنىڭ كۇرت قىمباتتاۋىن بولدىرماۋ جانە ونىڭ الدىن الۋعا وسى شەكتەۋ كەدەرگى بولىپ وتىر. سوندىقتان ۇيالى بايلانىس وپەراتورلارىنىڭ قىزمەتىنە مەملەكەت تاراپىنان باعا بەلگىلەۋ ۇسىنىلدى.
«كۆازيمەملەكەتتىك سەكتور قاتىساتىن نارىقتاردا باعا بەلگىلەۋدىڭ اشىقتىعى كەزىندە نارىقتى تولىق مونوپولياسىزداندىرۋ ساتىنە دەيىن ۇيالى بايلانىس قىزمەتتەرىنە باعالاردى مەملەكەتتىك رەتتەۋدى ەنگىزۋ ۇسىنىلادى»، - دەپ جازىلعان كونسۋلتاتيۆتىك قۇجاتتا.
بۇل باستاما 28 شىلدەگە دەيىن كوپشىلىك تالقىلاۋدا بولادى.
قوسا كەتسەك، بىلتىر ءوزىنىڭ مىندەتتەمەسىنە ساي ساپالى قىزمەت كورسەتپەگەن ۇيالى بايلانىس وپەراتورلارىنا 3،4 ملرد تەڭگە ايىپپۇل سالىنعان.