بارلىق مالىمەت TABAN – ءۇي جانۋارلارىن ەسەپكە الۋ ءبىرىڭعاي دەرەكتەر بازاسىنان جۇكتەلەدى، دەپ حابارلايدى aqshamnews.kz
"مىسىق، يت جانە باسقا دا ءۇي جانۋارلارىنىڭ يەلەرى ولاردىڭ مالىمەتتەرىن eGov Mobile ءموبيلدى قوسىمشاسىنىڭ "سيفرلىق قۇجاتتار" بولىمىنەن قاراي الادى"، - دەپ جازىلعان "ۇلتتىق اقپاراتتىق تەحنولوگيالار" اق -نىڭ حابارلاماسىندا.
بارلىق مالىمەت TABAN – ءۇي جانۋارلارىن ەسەپكە الۋ ءبىرىڭعاي دەرەكتەر بازاسىنان جۇكتەلەدى. بۇل جۇيەدە تىركەلگەن بارلىق جانۋارعا قاتىستى ماڭىزدى وقيعالار جازىلىپ وتىرادى.
سيفرلىق پاسپورتتا مىنا مالىمەتتەر قامتىلادى:
جانۋاردىڭ جەكە ءنومىرى،
قۇجات ءنومىرى،
اتى،
ءتۇسى،
تۇقىمى،
تۋعان كۇنى،
ەرەكشە بەلگىلەرى،
جانۋاردىڭ ءتۇرى مەن جىنىسى،
تىركەلگەن مەكەنجايى،
ناقتى تۇراتىن مەكەنجايى،
يەسىنىڭ تولىق ءاتى-جونى مەن جسن.
سونداي-اق چيپتەۋ، ستەريليزاسيا جانە ۆاكسيناسيا تۋرالى اقپارات – داتالارى مەن مارتەبەلەرى كورسەتىلگەن.
قىزمەتتى پايدالانۋ ءۇشىن:
eGov Mobile قوسىمشاسىنا اۆتوريزاسيادان ءوتىپ؛
"سيفرلىق قۇجاتتار" سەرۆيسىنە كىرۋ قاجەت؛
"باسقا قۇجاتتار" بولىمىندە جانۋار پاسپورتىمەن تانىسۋ كەرەك؛
ەگەر قۇجات كورىنبەسە، "قۇجاتتاردى جاڭارتۋ" باتىرماسىن باسۋ قاجەت.
سيفرلىق ءتولقۇجات ۆەتەرينارلىق كلينيكاعا بارعاندا، ساياحاتقا شىعاردا، كورمەلەرگە قاتىسقاندا نەمەسە جانۋار جوعالعان جاعدايدا ونىڭ دەرەكتەرىن جەدەل ۇسىنۋعا مۇمكىندىك بەرەدى. سونىمەن قاتار بۇل قىزمەت ءۇي جانۋارلارىن جۇيەلى تۇردە ەسەپكە الۋعا، قاڭعىباس جانۋارلار سانىن ازايتۋعا جانە يەلەرىنىڭ جاۋاپكەرشىلىگىن ارتتىرۋعا سەپتىگىن تيگىزەدى.
2025 جىلعى ناۋرىز ايىنداعى جاعداي بويىنشا جۇيەدە 224 مىڭنان استام ءۇي جانۋارى تىركەلگەن، ونىڭ ىشىندە 20 مىڭنان استامى – ءۇيسىز جانۋارلار.