ءۇي جانۋارلارىن چيپتەۋ قۇنى ءار وڭىردە ءارتۇرلى بولادى. بۇل تۋرالى ورمان شارۋاشىلىعى جانە جانۋارلار دۇنيەسى كوميتەتىنىڭ باس ساراپشىسى تالعات ەردەشيەۆ ايتتى، دەپ حابارلايدى دەپ حابارلايدى Almaty-akshamy.kz. قازاقپارات سىلتەمە جاساپ
«قاڭعىس يتتەر مەن مىسىقتارعا چيپ تاعۋ جەرگىلىكتى اتقارۋشى ورگاننىڭ قۇزرەتىندە بولادى. يەلەرى بار جانۋارلارعا ەگەسى ءوز قاراجاتى ەسەبىنەن چيپ تاعادى. حالىقتىڭ الەۋمەتتىك وسال توپتارىنداعى ازاماتتاردىڭ ءۇي جانۋارلارى بيۋدجەت قاراجاتى ەسەبىنەن ەسەپكە الىنادى. بۇل توپتاعى ازاماتتاردىڭ ءۇي جانۋارلارىن چيپتەۋگە ءوڭىر بيۋدجەتىنەن قاراجات بولىنەدى. ءار وڭىردە چيپتەۋ قۇنى ءارتۇرلى بولادى. ال اقىلى چيپتەۋ قۇنىن جەرگىلىك اتقارۋشى ورگاندار وزدەرىنىڭ شىعىندارىنا قاراي دەربەس بەلگىلەيدى. ناقتى بەلگىلەنگەن باعا جوق»، - دەدى كوميتەتتىڭ باس ساراپشىسى ەلوردادا وتكەن بريفينگ بارىسىندا.
ونىڭ اتاپ وتۋىنشە، ەلىمىز بويىنشا ناقتى قانشا يت پەن مىسىقتىڭ تىركەۋگە الىناتىندىعى جايلى ستاتيستيكالىق دەرەك جوق.
«ءبىراق، جەرگىلىكتى اتقارۋشى ورگاندار ءار توقساننىڭ 30 كۇنى بىزگە ەسەپكە قويىلعان يت پەن مىسىقتىڭ سانىن بەرىپ وتىرادى. بۇل زاڭدا جازىلعان»، - دەدى تالعات ەردەشيەۆ.