وڭتايلى ەنەرگيا
جاڭارتىلاتىن ەنەرگيا كوزدەرىن دامىتۋ – باسىمدىقتار قاتارىندا، دەپ حابارلايدى Almaty-akshamy.kz Qazaqtv.com cايتىنا سىلتەمە جاساپ.
ەلىمىزدە 2025 جىلعا قاراي جاڭارتىلاتىن ەنەرگيا كوزدەرىنىڭ 59 جاڭا نىسانى ىسكە قوسىلادى. وسىلايشا ەل بويىنشا بەلگىلەنگەن قۋاتى 4 جارىم مىڭ مەگاۆاتتقا جۋىق جەك-نىڭ سانى 180-نەن اسادى. بۇل تۋرالى ەنەرگەتيكا ءمينيسترى نۇرلان نوعايەۆ مالىمدەدى.
ونىڭ ايتۋىنشا، ەلەكتر ەنەرگياسىن تۇتىنۋدىڭ ءوسىمى جانە مانيەۆرلىك قۋاتتاردى دامىتۋ – رەسپۋبليكانىڭ ەنەرگەتيكالىق قاۋىپسىزدىگىن قامتاماسىز ەتۋدىڭ ماڭىزدى شارتى. اتالعان جوبالاردى ىسكە اسىرۋ شەڭبەرىندە شامامەن 1 ترلن تەڭگە ينۆەستيسيا تارتىلادى. وسىلايشا جەك ۇلەسى ەكى ەسەگە ارتپاق.
بۇدان باسقا، قازاقستاندا بەيبىت ماقساتتاعى اتوم مەن سۋتەگى ەنەرگەتيكاسىن دامىتۋ بويىنشا جاڭا تاسىلدەردى ازىرلەۋ جوسپارلانىپ وتىر.
دالىرەك، وسى سالالارداعى ماماندىقتار بويىنشا الەمنىڭ جەتەكشى جوعارى وقۋ ورىندارىندا ستۋدەنتتەردى وقىتۋعا گرانتتار مەن ستيپەنديالار بولىنەدى.