بۇعان دەيىن اگاپوۆا UFC الاڭىندا ەكى مارتە جەڭىسكە جەتكەن
قازاقستاندىق سپورتشى ماريا اگاپوۆا UFC الاڭىنداعى كەزەكتى جەكپە-جەگىندە جەڭىلىپ قالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
Sports.kz رەسۋرسىنىڭ مالىمەتىنشە، بۇگىن امەريكانىڭ لاس ۆەگاس قالاسىندا وتكەن UFC تۋرنيرىندە ماريا ۋكراينالىق مارينا موروزبەن كەزدەسۋ وتكىزدى.
اسا جەڭىل سالماقتاعى جەكپە-جەك ءۇش راۋندقا سوزىلۋى ءتيىس ەدى، الايدا ەكىنشى راۋندتا موروز تۇنشىقتىرۋ ءادىسىن قولدانىپ، قارسىلاسىنان باسىم ءتۇستى.
وسىلايشا مارينا موروز مما-داعى كاسىبي مانساپ جولىندا ون ءبىرىنشى مارتە جەڭىس تۇعىرىنا كوتەرىلدى. ول UFC پروموۋشنىندا توعىز ايقاسقا شىققان، التى رەت جەڭىسكە جەتىپ، ءۇش مارتە جەڭىلىس تاپقان.
ال ماريا اگاپوۆا وسىمەن ءۇشىنشى رەت ۇتىلىپ تۇر. جالپى اگاپوۆا UFC الاڭىندا ەكى مارتە جەڭگەن، ەكى رەت جەڭىلگەن.