جوبانى ىسكە اسىرۋ مەرزىمى 3 جىل
2022 جىلدىڭ ءساۋىر ايىنان باستاپ «ۇكىمەتتىك ەمەس ۇيىم اكادەمياسى» الەۋمەتتىك جوباسى باستالدى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
بۇل جوبانى «ازاماتتىق باستامالاردى قولداۋ ورتالىعى» كەاق جانە قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ قولداۋىمەن «ازاماتتىق باستامالار ورتالىعى» قب جۇزەگە اسىرادى.
ەسكە سالايىق، 2022 جىلعى 16 ناۋرىزدا پارلامەنت پالاتالارىنىڭ بىرلەسكەن وتىرىسىندا سويلەگەن سوزىندە ق ر پرەزيدەنتى قاسىم-جومارت توقايەۆ ۇكىمەتتىك ەمەس ۇيىمداردىڭ الەۋمەتتىك ماڭىزى بار ماسەلەلەردى شەشۋگە جاردەمدەسۋدەگى ەلەۋلى ۇلەسىن جانە ەلدەگى ازاماتتىق سەكتوردىڭ ءرولىن ارتتىرۋ قاجەتتىلىگىن اتاپ وتكەن بولاتىن.
«ۇەۇ اكادەمياسى» الەۋمەتتىك جوباسىنىڭ ماقساتى: نىسانالى توپتاردى سۇيەمەلدەۋ پروسەسىندە جانە قوعامنىڭ الەۋمەتتىك ماسەلەلەرىن شەشۋدە كورسەتىلەتىن قىزمەتتەردىڭ ساپاسىن جاقسارتۋ ءۇشىن ۇەۇ وكىلدەرىنىڭ كاسىبي قۇزىرەتتىلىگىن ارتتىرۋ ارقىلى ولاردىڭ قىزمەتىن كاسىبيلەندىرۋ.
جوبانى ىسكە اسىرۋ مەرزىمى 3 جىل – 2022 جىلعى ناۋرىزدان 2024 جىلعى جەلتوقسانعا دەيىن.