ۋەفا-نىڭ نونداعى شتاب-پاتەرىندە 2021/2022 جىلعى ماۋسىمداعى چەمپيوندار ليگاسى 1/8 فينالىنىڭ جەرەبەسى ەكىنشى رەت تارتىلدى
ەلوردا ۋاقىتىمەن 17:00-دە جەرەبە تارتىلىپ، بارلىق جۇپ انىقتالعان ەدى. الايدا، ءراسىم بارىسىندا ەكى ءىرى قاتەلىك كەتكەندىكتەن، جەرەبەنى قايتا تارتۋعا تۋرا كەلدى، دەپ حابارلايدى Almaty-akshamy.kz رrosports.kz-كە سىلتەمە جاساپ
ەرەجەگە ساي، 1/8 فينالدا توپتىق كەزەڭدە ءبىرىنشى ورىن العان كوماندا وزگە توپتا ەكىنشى ورىن العان كوماندامەن كەزدەسەدى. ءبىراق ءبىر ەلدىڭ قوس كومانداسى جولىقپايدى.
جەرەبە قورىتىندىسى:
«رەد بۋلل زالسبۋرگ» (اۆستريا) - «باۆاريا» (ميۋنحەن، گەرمانيا)؛
«سپورتينگ» (پورتۋگاليا) - «مانچەستەر سيتي» (انگليا)؛
«بەنفيكا» (پورتۋگاليا) - «اياكس» (نيدەرلاندى)؛
«چەلسي» (لوندون، انگليا) - «ليلل» (فرانسيا)؛
«اتلەتيكو» (مادريد، يسپانيا) - «مانچەستەر يۋنايتەد» (انگليا)؛
«ۆيلياررەال (يسپانيا) - «يۋۆەنتۋس» (تۋرين، يتاليا)؛
«ينتەر» (ميلان، يتاليا) - «ليۆەرپۋل» (انگليا)؛
«پاري سەن-جەرمەن» (فرانسيا) - «رەال» (مادريد، يسپانيا).
سونداي-اق، 1/8 فينالدىڭ العاشقى ويىندارى 2022 جىلى 15/16/22/23 اقپاندا، قارىمتا كەزدەسۋلەر 8/9/15/16 ناۋرىزدا وتەدى دەپ جوسپارلانعان.