مەديسينالىق ساقتاندىرۋ قورىنىڭ قالالىق فيليالى، قوعامدىق دەنساۋلىق باسقارماسى، اۋداندار اكىمدىكتەرى مەن ەمحانا باسشىلارىنىڭ قاتىسۋىمەن وتكەن كەڭەس بارىسىندا بەكىتىلگەن حالىقتىڭ دەرەكقورىن وزەكتەندىرۋ جانە ساقتاندىرىلماعان ازاماتتاردى قالا ەكونوميكاسىنا تارتۋ جونىندەگى شارالار ماسەلەلەرى قارالدى.
شتاب وتىرىسى بارىسىندا ەرجان باباقۇماروۆ حالىقتى بارىنشا قامتۋ بويىنشا جۇمىس جۇرگىزۋ قاجەتتىگىن اتاپ ءوتتى، دەپ حابارلايدى Almaty-akshamy.kz
ءمامس جۇيەسىنە قاتىسۋ ساپالى جانە تولىققاندى مەديسينالىق كومەك كورسەتۋدى قامتاماسىز ەتەدى. الەۋمەتتىك مەديسينالىق ساقتاندىرۋ پاكەتى شەڭبەرىندە قالا تۇرعىندارى مەديسينالىق قىزمەتتەردىڭ كەڭەيتىلگەن سپەكترىنە، ونىڭ ىشىندە تەگىن مەديسينالىق كومەكتىڭ كەپىلدىك بەرىلگەن كولەمىنىڭ پاكەتىنە كىرمەيتىن راسىمدەرگە قولجەتكىزە الادى.
بار ماسەلەلەردى شەشۋ ماقساتىندا الماتى اكىمىنىڭ ورىنباسارى ە. باباقۇماروۆ ساقتاندىرىلماعان حالىقتى قالا ەكونوميكاسىنا تارتۋ بويىنشا شارالار پاكەتىن قابىلداۋدى تاپسىردى. بۇل رەتتە جۇمىسپەن قامتۋدى، ونىڭ ىشىندە NEET ساناتىنداعى جاستاردى قامتاماسىز ەتۋ بويىنشا مەملەكەتتىك قولداۋ قۇرالدارىن كەڭىنەن پايدالانۋ قاجەت.
اۋدان اكىمدىكتەرى، قوعامدىق دەنساۋلىق باسقارماسى، رەسپۋبليكالىق ەلەكتروندىق دەنساۋلىق ساقتاۋ ورتالىعى، مكد جانە مساك-پەن بىرلەسىپ، شوب سۋبەكتىلەرىنىڭ تولەمدەردى ۋاقتىلى تولەۋى، بەكىتىلگەن حالىق تىركەلىمىندەگى دەرەكتەردى وزەكتەندىرۋ، ساقتاندىرىلماعانداردى انىقتاۋ جانە ولاردىڭ اعىمداعى الەۋمەتتىك مارتەبەسىن ايقىنداۋ بويىنشا جۇمىس جۇرگىزۋى ءتيىس. بۇل رەتتە ءمامس مۇمكىندىكتەرى تۋرالى ءاقپاراتتىق-تۇسىندىرۋ جۇمىستارىن جالعاستىرۋ قاجەت.
قوسىمشا اقپاراتتى Qoldau 24/7 قوسىمشاسى، Saqtandyry تەلەگرامم-بوتى جانە fms.kz سايتى ارقىلى الۋعا بولادى. ال، ساقتاندىرۋ مارتەبەسى بولماسا جارنالاردى تولەۋدى باستاۋ ۇسىنىلادى.