2024 جىلى قازاقستاننىڭ جوعارى وقۋ ورىندارىنا ءتۇسۋ ءۇشىن شەكتى بالل وزگەرىسسىز، كەمىندە 50 بالل جانە ۇلتتىق جوعارى وقۋ ورىندارىنا ءتۇسۋ ءۇشىن كەمىندە 65 بالل بولىپ قالدى.
الايدا، وقۋعا ءتۇسۋ ءۇشىن 50-دەن استام بالل جيناۋ قاجەت دايىندىق باعىتتارى بار. ەڭ جوعارى شەكتى بالل – كەمىندە 75 بالل «قۇقىق» جانە «پەداگوگيكالىق عىلىمدار» ءبىلىم بەرۋ باعدارلامالارىنا ءتۇسۋ ءۇشىن بەكىتىلگەن، دەپ حابارلايدى اlmaty-akshamy.kz.
«دەنساۋلىق ساقتاۋ جانە الەۋمەتتىك قامتاماسىز ەتۋ (مەديسينا)» باعىتى بويىنشا وقۋعا شەشىم قابىلداعان تالاپكەرلەر ۇبت-دا كەمىندە 70 بالل جيناۋى ءتيىس. ال ۇلتتىق جوعارى وقۋ ورىندارىنا «اۋىل شارۋاشىلىعى جانە بيورەسۋرستار» جانە «ۆەتەريناريا» ماماندىعىنا تۇسكىسى كەلەتىندەرگە كەمىندە 60 بالل جيناۋ قاجەت.
«سونداي-اق، تالاپكەرلەر ءار جوعارى وقۋ ورنى ءوزىنىڭ شەكتى بالىن قويا الاتىندىعىن دا ەسكەرۋ كەرەك. بۇل قۇقىق ولارعا ءتورت جىل بۇرىن اكادەميالىق ەركىندىك نەگىزىندە بەرىلگەن ەدى. مىسالى، 80 بالل جيناعان تالاپكەر ماتەماتيكا ءمۇعالىمى ماماندىعىنا ۇلتتىق جوو-عا تۇسكىسى كەلەدى. بارشاعا ءمالىم، «پەداگوگيكالىق عىلىمدارعا» شەكتى بالل كەمىندە 75 بالل، ال ۇلتتىق وقۋ ورىندارىنا – كەمىندە 65 بالل. وقۋشىنىڭ جيناعان ۇپايى جەتىپ تۇر. الايدا، تاڭدالعان ۋنيۆەرسيتەتتە وقۋشىنىڭ وقىعىسى كەلگەن ماماندىققا شەكتى بالل 85-تەن باستالادى. دەمەك، وقۋشىعا شەكتى بالىن 80-گە دەيىن بەلگىلەگەن ۋنيۆەرسيتەتتى ىزدەۋ كەرەك. جوعارى وقۋ ورىندارىنىڭ شەكتى بالى جاقىن ارادا ۇتو سايتىندا جاريالانادى»، - دەپ اتاپ ءوتتى ق ر عجبم ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.
ەستەرىڭىزگە سالا كەتسەك، «قازاقستان تاريحى» جانە ەكى بەيىندىك ءپان بويىنشا شەكتى بالل – كەمىندە 5 بالل، ال «وقۋ ساۋاتتىلىعى» جانە «ماتەماتيكالىق ساۋاتتىلىق» پاندەرى بويىنشا شەكتى بالل – كەمىندە 3 بالل.