ۇبت كەزىندە قانداي ەرەجەلەر ساقتالۋى ءتيىس؟

 قازاقستاندا بيىلعى ۇبت تاپسىرۋ ناۋقانى باستالىپ كەتتى. 

وسى كەزگە دەيىن 57 مىڭ ادام تەست تاپسىرعان. ۇبت كەزىندە ساقتالۋى ءتيىس ەرەجەلەردى ۇلتتىق تەستىلەۋ ورتالىعى تاعى ءبىر ەسكە سالىپ ءوتتى.

ماسەلەن، سىناق تاپسىرۋعا كالكۋلياتور الىپ بارۋعا بولمايدى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«ۇبت-عا وزىڭىزبەن بىرگە كالكۋلياتور الىپ كىرۋدىڭ قاجەتى جوق. بۇل ارەكەت ەرەجە بۇزۋ فاكتىسى بولىپ سانالادى. قاڭتار، ناۋرىز، تامىز ايلارىنداعى ۇبت مەن نەگىزگى ۇبت-دا (مامىر-ماۋسىم) كالكۋلياتور تەستىلەۋ كومپيۋتەرىندە بولادى. ايتا كەتەيىك، سىزدەر كالكۋلياتوردان بولەك كومپيۋتەر ەكرانىنان مەندەلەيەۆ جانە تۇزدار ەرىگىشتىگى كەستەسىن، بەكەتوۆ تىزبەگىن تابا الاسىز»، - دەلىنگەن ورتالىق حابارلاماسىندا.

تۇلەكتەردىڭ 74% – قازاق تىلىندە، 25% - ورىس تىلىندە، 37 ادام اعىلشىن تىلىندە تەستىلەۋدەن ءوتتى.

عىلىم جانە جوعارى ءبىلىم مينيسترلىگىنىڭ مالىمەتىنشە، ۇبت باستالعالى شەكتى بالدى 78% جۋىق تالاپكەر جينادى. ورتاشا بالل - 70.

​ايتا كەتەيىك، تالاپكەرلەر تەستىلەۋ اياقتالعاننان كەيىن 30 مينۋت ىشىندە اپەللياسياعا بەرە الادى.

سەرتيفيكات اپەللياسيا تۋرالى شەشىم قابىلدانعاننان كەيىن تەستىلەنۋشىنىڭ جەكە كابينەتىندە جاريالانادى.