عىلىم جانە جوعارى ءبىلىم مينيسترلىگى ۇلتتىق تەستىلەۋ ورتالىعىمەن بىرلەسىپ، ۇلتتىق ءبىرىڭعاي تەستىلەۋگە دايىندىقتى ودان ءارى جاقسارتۋ ماقساتىندا جاعداي جاساپ جاتىر، دەپ حابارلايدى almaty-akshamy.kz
وقۋ جىلىنىڭ باسىندا ۇتو-نىڭ سايتىندا ۇبت-عا دايىندالۋعا ۇسىنىلعان وقۋلىقتار ءتىزىمى، ۇلگىلىك تەست تاپسىرمالارى، تەست سپەسيفيكاسيالارى جانە جوسپارى جاريالاندى.
تالاپكەرلەرگە جىلداعى ءداستۇر بويىنشا قازاقستان تاريحى جانە دۇنيەجۇزى تاريحى پاندەرىنەن تاريح ينستيتۋتىمەن بىرلەسىپ بەكىتىلگەن 100 داتا ءتىزىمى ۇسىنىلدى. تەستىلەۋ بارىسىندا داتاعا قاتىستى كەزدەسەتىن سۇراقتار تەك وسى حرونولوگيالىق كەستەدەن بولادى.
سونداي-اق، ۇبت-دا «قازاق ادەبيەتى» مەن «ورىس ادەبيەتى» پاندەرىنەن كەزدەسەتىن شىعارمالار ءتىزىمى (مەكتەپ باعدارلاماسىنان)، سونداي-اق «ينفورماتيكادان» ۇبت سۇراقتارىندا كەزدەسەتىن نەمەسە سۇراقتىڭ مازمۇنىن ءتۇسىنۋ ءۇشىن قاجەت تەرميندەر ءتىزىمى ۇتو سايتىندا ورنالاستىرىلدى.
«تالاپكەرلەرگە ءتيىمدى بولۋ ءۇشىن ۇبت-عا دايىندالۋعا ارنالعان بايقاۋ سىناقتارىن ىسكە قوستىق. بايقاۋ سىناعىن ءوتۋ كەزىندە ءتۇسۋشى تەست تاپسىرمالارىمەن تانىسۋعا جانە تاڭداعان پاندەرى بويىنشا ءوزىنىڭ ءبىلىم دەڭگەيىن تەكسەرۋگە مۇمكىندىك الادى. مەنىڭ ويىمشا، بۇل بالالارعا ءوز دايىندىقتارىن ودان ءارى جاقسارتۋعا كومەكتەسەدى»، - دەپ اتاپ ءوتتى ق ر عجبم ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.
سونىمەن قاتار 2024 جىلعى تۇلەكتەر ءۇشىن ءبىلىم بەرۋ ورتالىقتارىنىڭ قولداۋىمەن تەگىن ونلاين ساباقتار جۇرگىزىلىپ جاتىر. بۇل ساباقتار ءبىلىم بەرۋ ورتالىقتارىنىڭ YouTube ارنالارىندا تىكەلەي ەفيردە ءوتىپ، ساقتالادى. تالاپكەرلەر كەز كەلگەن ۋاقىتتا ولاردى قايتا قاراي الادى.