ءماجىلىس كەزىندە عىلىم جانە جوعارى ءبىلىم ءمينيسترى ساياسات نۇربەك وسى جىلى بولعان ۇبت-داعى وزگەرىستەر تۋرالى ايتتى.
مينيسترلىك 2024 جىلى ۇلكەن وزگەرىستەر جاساماۋعا شەشىم قابىلداعان. ونىڭ ىشىندە ەمتيحان ۇزاقتىعىن قىسقارتپايدى. سونداي-اق تالاپكەرلەرگە بەس رەت ەمتيحان تاپسىرۋعا مۇمكىندىك بەرىلەدى، دەپ حابارلايدى Almaty-akshamy.kz.
«ەستەرىڭىزدە بولسا بۇرىن بارلىعى ءبىر كۇندە بولاتىن، ويعا سالماق ءتۇسىپ، سىناقتان ءسۇرىندىڭ بە، جوق ءوتتىڭ بە، ۇتتىڭ نەمەسە ۇتىللدىڭ، ءولىم نەمەسە ءومىر، بار نەمەسە جوق دەگەن شەشىم ءبىر كۇندە شىعاتىن. وسى جىلى بىزدە بەس كەزەڭ بولادى، ونىڭ ەكەۋى اقىلى تۇردە. قاڭتار ءوتتى، ءقازىر ناۋرىزدا تاپسىراتىندار باستالادى. بالا ءوز كۇشىن باعامدايدى، قاي جەرى مىقتى قاي تۇسى وسال ەكەنىن بايقايدى. بايقاپ قاراساڭىز كوپ ادامنىڭ جينالۋى، ايقاي-شۋ، وزىنە قول سالۋ ازايعان. ەكى نەگىزگى كەزەڭ مامىر مەن ماۋسىم ايلارىندا بولادى. ەكى كەزەڭنىڭ كوپ بالل جيناعان قورىتىندىسىمەن گرانتقا تاپسىرۋعا بولادى»،- دەدى مينيستر.
الدىڭعى كەزەڭدەردى تاپسىرۋعا ۇلگەرمەگەندەر ءۇشىن بەسىنشى كەزەڭ بار، ول جەردە تالاپكەر اقىلى بولىمدەرگە تاپسىرا الادى نەمەسە حالىقارالىق ۋنيۆەرسيتەتتەردەن ناتيجە كۇتەدى.