ۇبت ەلەكتروندى فورماتتا 43 تەستىلەۋ ورتالىعىندا وتكەن.
عىلىم جانە جوعارى ءبىلىم ۆيسە-مينيسترى قۋانىش ەرعالييەۆ نەگىزگى ۇبت-2023 قورىتىندىسى تۋرالى ايتتى، دەپ حابارلايدى Almaty-akshamy.kz
ول نەگىزگى ۇبت 5 شىلدەدە اياقتالعانىن اتاپ ءوتتى. ۇبت ەلەكتروندى فورماتتا 43 تەستىلەۋ ورتالىعىندا وتكەن. ءار بالا ەكى رەت تەست تاپسىرۋ مۇمكىندىگىنە يە بولدى.
"ۇبت-نىڭ ورتاشا بالى جەتى بالعا ءوستى، بيىل 73 بالل بولدى. بەس ادام ەڭ جوعارى كورسەتكىش الدى، بۇل – 137 بالل. ال 120 بالدان جوعارى العان بالالار سانى – 2868"، - دەدى ەرعالييەۆ ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا.
ايتۋىنشا، وسى جىلى نەگىزگى ۇبت-نى تاپسىرۋعا 166 مىڭ تالاپكەر ەكى مۇمكىندىكتى قوسا ەسەپتەگەندە 305 ءوتىنىش بەرگەن. تەستىلەۋ قورىتىندىسى بويىنشا 135 مىڭعا جۋىق تالاپكەر شەكتى بالل جينادى. بۇل قاتىسۋشىلاردىڭ جالپى سانىنىڭ شامامەن 83 پايىزىن قۇرايدى. بىلتىر بۇل كورسەتكىش 67 پايىزدى قۇراعان.
تالاپكەرلەردىڭ 75 پايىزى قازاق تىلىندە، 24 پايىزى ورىس تىلىندە، 0،1 پايىزى اعىلشىن تىلىندە تەست تاپسىردى.
تەستىلەۋ بەس ءپان بويىنشا وتكىزىلدى: ءۇش مىندەتتى جانە ەكى بەيىندى ءپان. تەست تاپسىرمالارىنىڭ سانى – 120. ەڭ جوعارى ۇپاي – 140. تەستىلەۋ ۇزاقتىلىعى 4 ساعاتتى قۇرادى.