تاراتىلاتىن بانكتەردىڭ ءتىزىمى بەلگىلى بولدى

ەلىمىزدە 9 بانكتىڭ تاراتىلاتىنىن بۇدان بۇرىن حابارلاعانبىز.

قارجى نارىعىن رەتتەۋ جانە دامىتۋ اگەنتتىگى تاراتۋ ساتىسىندا تۇرعان بانكتەردىڭ ءتىزىمىن جاريالادى، دەپ حابارلايدى Almaty-akshamy.kz

اگەنتتىكتىڭ ناقتىلاۋىنشا، اتالعان بانكتەر تاراتۋ راسىمىنەن ءبىراز ۋاقىتتان بەرى ءوتىپ كەلەدى. اتاپ ايتقاندا:

- "ۆاليۋت-ترانزيت بانك"، 2006 جىلعى 26 جەلتوقساندا ليسەنزياسى قايتارىپ الىنعان، ونى تاراتۋ ءراسىمى 2007 جىلعى 01 ناۋرىزدان باستالدى؛

- "قازينۆەستبانك"، ليسەنزيانى 2016 جىلعى 27 جەلتوقساندا قايتارىپ الدى، تاراتۋ ءراسىمى 2018 جىلعى 24 قاڭتاردان باستالدى؛

- Delta Bank، ليسەنزيانى 2017 جىلعى 3 قاراشادا قايتارىپ الدى، تاراتۋ ءراسىمى 2018 جىلعى 25 ساۋىردەن باستالدى؛

- "ەكسيمبانك قازاقستان"، ليسەنزيانى 2018 جىلعى 28 تامىزدا قايتارىپ الدى، تاراتۋ ءراسىمى 2019 جىلعى 16 قاڭتاردان باستالدى؛

- "استانا بانكى"، ليسەنزيانى 2018 جىلعى 19 قىركۇيەكتە قايتارىپ الدى، تاراتۋ ءراسىمى  2019 جىلعى 9 قاڭتاردان باستالدى؛

- Qazaq Banki، ليسەنزيانى 2018 جىلعى 28 تامىزدا قايتارىپ الدى، تاراتۋ ءراسىمى 2018 جىلعى 12 جەلتوقساننان باستالدى؛

- Tengri Bank، ليسەنزيانى 2020 جىلعى 18 قىركۇيەكتە قايتارىپ الدى، تاراتۋ ءراسىمى 2021 جىلعى 15 اقپاننان باستالدى؛

- AsiaCredit Bank، ليسەنزيانى 2021 جىلعى 12 اقپاندا الىپ تاستادى، تاراتۋ ءراسىمى 2021 جىلعى 22 شىلدەدەن باستالدى؛

- Capital Bank Kazakhstan، ليسەنزيانى 2021 جىلعى 24 ماۋسىمدا قايتارىپ الدى، تاراتۋ ءراسىمى 2021 جىلعى 6 قازاننان باستالدى.