دەنەشىنىقتىرۋ - ساۋىقتىرۋ كەشەنى (دسك) ءبىر اۋىسىمدا 350 وقۋشىنى ساباقتان تىس جۇمىسپەن قامتاماسىز ەتەدى
الماتى اكىمى ەربولات دوسايەۆ جۇمىس ساپارى بارىسىندا مەدەۋ جانە تۇركسىب اۋداندارىنىڭ تۇرعىندارىمەن كەزدەسۋ كەزىندە «الاتاۋ» شاعىن اۋدانىنداعى جاڭا دەنەشىنىقتىرۋ-ساۋىقتىرۋ كەشەنىن (دسك) ارالاپ، «اۆياتور» ستاديونىنىڭ اۋماعىنداعى دسك قۇرىلىسىنىڭ جوباسىمەن تانىستى.مەدەۋ اۋدانىنىڭ اكىمى ەركەبۇلان ورازالين دەنەشىنىقتىرۋ-ساۋىقتىرۋ كەشەنىندە شاعىن فۋتبول، باسكەتبول، ۆولەيبولعا ارنالعان امبەباپ سپورت زالى، 6 جولدىق باسسەين، بالالار باسسەينى، جۇزۋشىلەرگە ارنالعان قۇرعاق جاىنە كۇش سىنايتىن زالداردىڭ بولاتىنىن باياندادى. ءجۇزۋ، ەركىن كۇرەس، دزيۋدو، اۋىر اتلەتيكا، شاحمات سەكسيالارىن اشۋ جوسپارلانۋدا. دسك اۋىسىمدا 149 بالا قاتىسا الادى.
نىساننىڭ دايىندىعىنا قاراماستان، تەحنيكالىق پاسپورتتىڭ بولماۋىنا بايلانىستى كەشەندى ىسكە قوسۋ مۇمكىن ەمەس. ەربولات دوسايەۆ تەحنيكالىق قۇجاتتامانىڭ جاعدايىن 2024 جىلدىڭ قاڭتار ايىنىڭ سوڭىنا دەيىن انىقتاۋدى جانە دسك-نىڭ اشىلۋىن شاعىن اۋداننىڭ 14 مىڭنان استام تۇرعىنى كۇتەتىنىن،ىسكە قوسۋ پروسەسىن جەدەلدەتۋدى تاپسىردى.
«الاتاۋ شاعىن اۋدانىنداعى دەنەشىنىقتىرۋ-ساۋىقتىرۋ كەشەنى گەوگرافيالىق جاعىنان ەڭ شالعاي، ءبىراق ول شاعىن اۋدان تۇرعىندارى ءۇشىن سپورتتىق ينفراقۇرىلىمنىڭ جەتىسپەۋشىلىگىن وتەي الادى»، - دەپ اتاپ ءوتتى الماتى اكىمى.
سونداي-اق، قالا باسشىسى كەشەننىڭ بارلىق الاڭىندا ينكليۋزيۆتى ورتا قۇرۋ قاجەتتىگىن اتاپ ءوتتى. ەربولات دوسايەۆ سپورت باسقارماسىنا ءجۇزۋ سەكسياسىنىڭ كەستەسىندە ەرەكشە قاجەتتىلىكتەرى بار بالالاردىڭ ساباقتارى ءۇشىن جەتكىلىكتى ساعات سانىن قاراستىرۋدى تاپسىردى.
تۇركسىب اۋدانىنداعى دسك اۋىسىمىنا 200 بالانى قامتۋعا ەسەپتەلگەن.مۇنداعى جۇمىستار 2022 جىلدان باستاپ جۇرگىزىلۋدە. جوبالىق-سمەتالىق قۇجاتتامانى ازىرلەۋمەن «كاپرەمپروەكت» مەردىگەرلىك ۇيىمى اينالىسادى. قۇرىلىستىڭ باستالۋى 2024 جىلدىڭ ماۋسىمىنا جوسپارلانعان.
بۇل جوبا سپورت باسقارماسىمەن بىرلەسىپ، جۇمىس جاسايتىن جاتتىقتىرۋشىلاردىڭ، حالىقارالىق ءجۇزۋ فەدەراسياسىنىڭ ەرەجەلەرىن جانە ق ر ۇلتتىق اتقىشتار قاۋىمداستىعىنىڭ ۇسىنىمدارىن ەسكەرە وتىرىپ ازىرلەندى. سپورتشىلار ءۇشىن 40 ورىندىق 3 كيىم اۋىستىراتىن بولمە قاراستىرىلعان: ءارقايسىسىندا دۋش، جۋىناتىن بولمە بولادى. دسك-دە 50 مەترلىك باسسەيننەن باسقا، مەديسينالىق پۋنكت، تۇگەندەۋ جانە جاتتىقتىرۋشى بولمەسى، سونداي-اق جىلىتۋ جانە دايىندىق زالى بولادى.
«كەشەندە گيمناستيكا مەن كۇش جەكپە-جەگىنە ارنالعان بادمينتون، تەننيس، گاندبول سياقتى كوماندالىق سپورت تۇرلەرىنە ارنالعان امبەباپ زال قاراستىرىلعان. ەكىنشى قاباتتا اتىس الاڭى بولادى. جوبانىڭ نەگىزگى قاعيداسى - اۋماقتى بارىنشا ءتيىمدى پايدالانۋ. عيماراتتىڭ وزىندە 4 كىرەبەرىس بولادى، ونىڭ باستىسى فۋتبول الاڭىنا قارايدى. ەگەر ديزاين تۋرالى ايتاتىن بولساق، وندا بارلىعى حايتەك ەلەمەنتتەرىمەن مينيماليزم ستيلىندە جاسالعان»، - دەپ اتاپ ءوتتى «كاپرەمپروەكت» ساۋلەتشىسى مۇرات ساعىندىقوۆ.
ەربولات دوسايەۆ «اۆياتور» ستاديونىنداعى الاڭدى رەتكە كەلتىرۋدى، سونداي-اق دسك عيماراتىنىڭ ساپالى قاسبەتتىك جۇمىستارىن جۇرگىزۋدى تاپسىردى. قالا باسشىسى جاڭا دەنەشىنىقتىرۋ-ساۋىقتىرۋ كەشەنىندەگى باسسەين ق ر سۋ سپورت تۇرلەرى فەدەراسياسىنىڭ تالاپتارىنا سايكەس سالىنعانىن اتاپ ءوتتى: ۇيىمنان رۇقسات بەرۋ قۇجاتى كەز كەلگەن دەڭگەيدەگى، سونىڭ ىشىندە حالىقارالىق دەڭگەيدەگى ءجۇزۋ بويىنشا جارىستار وتكىزۋگە مۇمكىندىك بەرەدى.
«بۇگىندە قالادا مۇنداي ورىندار جەتىسپەيدى. بۇعان سپورت باسقارماسى قاتىسۋى ءتيىس»، - دەپ اتاپ ءوتتى الماتى اكىمى. ول وسى سپورت نىساندارىنا كەلۋشىلەردىڭ قاۋىپسىزدىگىن قامتاماسىز ەتۋ ماسەلەلەرى باسىمدىقتا بولۋى ءتيىس ەكەنىن اتاپ ءوتتى.
انىقتاما: الماتىدا دسك قالا اكىمىنىڭ تاپسىرماسى بويىنشا بالالار مەن جاستاردى قولجەتىمدى سپورت سەكسيالارىمەن قامتاماسىز ەتۋ، سونداي-اق حالىقتى سالاۋاتتى ءومىر سالتىنا تارتۋ ءۇشىن سالىنۋدا. مەگاپوليستە دسك قۇرىلىسى 2021 جىلى باستالدى: 2022 جىلى جەتىسۋ اۋدانىنداعى اينابۇلاق، كەمەل جانە قۇلاگەسىندى 3 شاعىن اۋداندارداعى دەنەشىنىقتارۋ - ساۋىقتىرۋ كەشەندەرى بۇگىندە ولار شتاتتىق رەجيمدە جۇمىس ىستەيدى. 2023 جىلى الاتاۋ جانە زەردەلى شاعىن اۋداندارىندا 2 دسك قۇرىلىسى اياقتالد. 2024 جىلى جاس قانات شاعىن اۋدانىنداعى دەنەشىنىقتىرۋ- ساۋىقتىرۋ كەشەنىنىڭ قۇرىلىسىن اياقتاۋ جوسپارلانۋدا.