2025 جىلدىڭ 1 قاڭتارىنان باستاپ، قازاقستاندا سانيتارلىق كىتاپشالاردى بەرۋ، ەسەپكە الۋ جانە جۇرگىزۋ ەلەكتروندى فورماتقا كوشىرىلەدى، دەپ حابارلايدى aqshamnews.kz
بۇل ازاماتتارعا قۇجاتتى بىرنەشە ۇيىمعا وڭاي ۇسىنۋعا مۇمكىندىك بەرەدى، وسىلايشا ۋاقىت پەن قاراجات ۇنەمدەلەدى. بۇگىندە ەلدە 1،6 ميلليوننان استام ادامنىڭ سانيتارلىق كىتاپشاسى بار.
سونىمەن قاتار، باسقا دا ماڭىزدى مەديسينالىق قۇجاتتار ەلەكتروندى فورماتقا اۋىسادى:
ەڭبەككە جارامسىزدىق پاراعى؛
075/ۋ «مەديسينالىق انىقتاما»؛
026/ۋ «دكك قورىتىندىسى»؛
073/ۋ «تق باسقارۋعا رۇقسات بەرۋ تۋرالى انىقتاما»؛
069/ۋ «ساناتوريي-كۋرورتتىق كارتا»؛
052-2/ۋ «بالا دەنساۋلىعى پاسپورتى»؛
076/ۋ «قارۋعا رۇقسات الۋ»؛
038/ۋ «ەڭبەككە ۋاقىتشا جارامسىزدىق تۋرالى انىقتاما».
قۇجاتتاردى «eGov mobile» قوسىمشاسىنداعى «eDensaulyq» بولىمىندە، ازاماتتاردىڭ كەلىسىمىمەن، ءۇشىنشى تاراپتارعا ەلەكتروندى تۇردە ۇسىنۋعا بولادى. قازىرگى ۋاقىتتا بۇل جاڭاشىلدىقتى ەنگىزۋ ءۇشىن اقپاراتتىق جۇيەلەردىڭ ينتەگراسياسى جۇرگىزىلىپ جاتىر.
بۇل وزگەرىس جەكە جانە مەملەكەتتىك ۇيىمدار اراسىنداعى قۇجات اينالىمىن جەڭىلدەتىپ، دەنساۋلىق ساقتاۋ سالاسىنداعى سيفرلاندىرۋدىڭ جاڭا كەزەڭىنە جول اشادى.