2025 جىلدان باستاپ بالاعا ەكپە سالۋعا رۇقسات بەرۋ نەمەسە باس تارتۋ ەلەكتروندى تۇردە تىركەلەدى. ۆاكسيناسيا دەرەكتەرى «eGov mobile» پلاتفورماسىندا ساقتالىپ، ازاماتتار ونى وڭاي باقىلاي الادى، دەپ حابارلايدى aqshamnews.kz
ەگەر ەكپە سالىنعان پاسيەنت ۆاكسيناسيادان كەيىن جاعىمسىز اسەرلەرگە شاعىمدانسا، دارىگەرلەر جاڭا ارەكەت الگوريتمى بويىنشا ارەكەت ەتەدى. بۇل جاعدايدا:
مەديسينالىق كومەك كورسەتىلەدى؛
ەلەكتروندى حابارلاما رەسىمدەلەدى؛
دەرەكتەر مەملەكەتتىك ورگاندارعا جىبەرىلەدى.
بۇگىندە ەلدە ۆاكسينادان كەيىنگى اسقىنۋلاردى باقىلاۋ جانە ولاردىڭ الدىن الۋ ماقساتىندا جاڭا اقپاراتتىق جۇيەلەر ەنگىزىلىپ جاتىر. سونىمەن قاتار، ۆاكسيناسيانىڭ تولىق تاريحى سيفرلىق فورماتتا ساقتالادى، بۇل ازاماتتارعا جەكە مەديسينالىق اقپاراتتارىن باسقارۋدى جەڭىلدەتەدى.
بۇل جاڭاشىلدىق ازاماتتاردىڭ دەنساۋلىعىن قورعاۋداعى ماڭىزدى قادام بولىپ تابىلادى جانە ەلدەگى مەديسينالىق باقىلاۋ جۇيەسىنىڭ تيىمدىلىگىن ارتتىرۋعا مۇمكىندىك بەرەدى.