تىنىشتىقتى بۇزعان موپەد جۇرگىزۋشىلەرى

تىنىشتىقتى بۇزۋ دەرەكتەرى بويىنشا ارباتقا ىرگەلەس ۇيلەردىڭ تۇرعىندارىنان جۇيەلى ارىزدار تۇسكەن.

وسى ورايدا مۇنداي قۇقىق بۇزۋشىلىقتىڭ الدىن الۋ بويىنشا الماتى پوليسياسى پروفيلاكتيكالىق ءىس-شارالاردى كۇشەيتتى، دەپ حابارلايدى Almaty-akshamy.kz.

ءبىراز ۋاقىتتان بەرى جاياۋ جۇرگىنشىلەر ايماعى ازاماتتاردىڭ سۇيىكتى دەمالىس ورنىنا عانا ەمەس، موپەد جۇرگىزۋشىلەرىنىڭ دە باس قوساتىن ورنىنا اينالدى.

«ال ءاربىر جينالعان سايىن قوعامدىق ءتارتىپتى، ازاماتتاردىڭ تىنىشتىعىن بۇزۋ قاتار جۇرەدى. بۇل فاكتورلار جەرگىلىكتى تۇرعىنداردىڭ ورىندى نارازىلىعىن تۋدىرۋدا. بەلگىلەنگەن اۋماقتا جاياۋ پاترۋل، ىرگەلەس اۋماقتا اۆتوكولىك پاترۋلدەرى كۇشەيتىلدى. ماسەلەن، وتكەن تۇندە عانا پوليسياعا ارباتتا تىنىشتىق بۇزۋ بويىنشا بەس دابىل كەلىپ تۇسكەن. موپەد مىنگەن 18 جۇرگىزۋشى شارا قولدانۋ ءۇشىن پوليسياعا جەتكىزىلدى. ولار ق ر اقبتك-نىڭ 437-بابى جانە ق ر اقبتك-نىڭ 615-بابى بويىنشا جاۋاپكەرشىلىككە تارتىلدى. 5 كۇندە ارباتتان ءتارتىپ بۇزعان بارلىعى 63 موپەد جۇرگىزۋشىسى المالى اۋداندىق پوليسيا باسقارماسىنا جەتكىزىلدى»، – دەدى الماتى قالالىق پد جەدەل باسقارۋ ورتالىعى باستىعىنىڭ ورىنباسارى دانيار تاسۋبايەۆ.

جىل باسىنان بەرى جقە بۇزعانى ءۇشىن 4748 موپەد جۇرگىزۋشىسى اكىمشىلىك جاۋاپكەرشىلىككە تارتىلدى.