الماتىدا 2023 جىلدىڭ 1 ماۋسىمىندا جىل سايىنعى «Almaty BALAFEST» بالالار فەستيۆالىنىڭ جەڭىمپازدارى مەن جۇلدەگەرلەرىن سالتاناتتى تۇردە ماراپاتتاۋ ءراسىمى ءوتتى.
ونىڭ ماقساتى – شىعارماشىلىقتى ىسكە اسىرۋدىڭ ءتۇرلى باعىتتارى بويىنشا بالالار مەن جاسوسپىرىمدەردى دامىتۋ جانە قولداۋ ءۇشىن قالامىزدا جاسالىپ جاتقان يگى شارالاردى قامتۋ، دەپ حابارلايدى Almaty-akshamy.kz.
فەستيۆالعا 7 باعىت بويىنشا وتكەن (مەكتەپ ارالىق، اۋداندىق، قالالىق كەزەڭ) كونكۋرس جەڭىمپازدارى قاتىستى:
- «جۇلدىزدى ءسات»
- «بوياۋلار قۇپياسى»
- «ونەرلى بالا»
- «كىتاپ – ءبىلىم بۇلاعى»
- «جاسىل الماتى»
- «OpenAir Sport»
- «حاكاتون – IT Universe»
ءبىرىنشى مەكتەپ كەزەڭىندە 250 000-نان استام وقۋشى ب ا ق سىناسسا، اۋداندىق كەزەڭگە 35 000-عا جۋىق قاتىسۋشى قاتىستى. ال 3000-نان استام وقۋشى ىرىكتەلگەن قالالىق كەزەڭدە 1200-دەن استام بالا جەڭىمپاز اتاندى. بايقاۋعا ءبىلىم بەرۋ ۇيىمدارىنىڭ 1-11 سىنىپ وقۋشىلارى قاتىستى.
فەستيۆال اياسىندا بالالارعا ارنالعان اۋقىمدى مادەني-ويىن-ساۋىق باعدارلاماسىمەن قالالىق بايقاۋ جەڭىمپازدارىن سالتاناتتى ماراپاتتاۋ ءراسىمى ءوتتى. 1200-دەن استام جەڭىمپازدار مەن جۇلدەگەرلەر ەستەلىك سىيلىقتارمەن ماراپاتتالدى (فۋتبولكا، بەيسبولكا، ريۋكزاك، فەستيۆال لوگوتيپىمەن تەرموس).
فەستيۆال باعدارلاماسى تانىمدىق ويىنداردى، سپورتتىق ەستافەتالاردى، شەبەرلىك سىنىپتار مەن كورمەلەردى، كۆەستتەر جانە تەاتر قويىلىمدارى سياقتى كوپتەگەن ءىس-شارالاردى قامتىدى. ءار ايماقتا قولونەر (كرافت) ويىندارى، پوەتيكالىق باتتلدار، پلاستماسسانى ۇساقتاۋ بويىنشا جارىس (بوتەلكە قاقپاقتارى)، بەينەلەۋ ونەرى بويىنشا شەبەرلىك سىنىپتارى، «الماتىنىڭ بولاشاعى بالالاردىڭ كوزىمەن» پلەنەرى، شاحمات، سپورت-ستەكينگ بويىنشا جارىستار، سكەيت، ستريتبول بويىنشا دەمونستراسيالىق قويىلىمدارى، «روبوتوتەحنيكاعا كىرىسپە» شەبەرلىك-سىنىبى، كوماندالاردىڭ روبوتتاردى باسقارۋ جانە ونىڭ مۇمكىندىكتەرىن كورسەتۋ جايلى تۇساۋكەسەرلەرى، ساندىك-قولدانبالى ونەر شەبەرحانالارى، ۆيكتورينالار، كۆەستتەر مەن تەاتر قويىلىمدارى ۇيىمداستىرىلدى.
فەستيۆال قالا وقۋشىلارىن، اتا-انالارى مەن پەداگوگتارىن بىرىكتىردى جانە ءاربىر بالا ءۇشىن ناقتى مۇمكىندىكتەر كەڭىستىگىنە اينالادى. بالالار ءۇشىن فوتوايماق ۇيىمداستىرىلدى، وندا اركىم تانىمال سۋرەتشىلەرمەن، سپورتشىلارمەن، قولونەرشىلەرمەن، ارتىستەرمەن جانە ت. ب. سۋرەتكە تۇسۋگە مۇمكىندىك الادى.
باستى الاڭدا اعىمداعى جىلدىڭ حالىقارالىق جانە رەسپۋبليكالىق زياتكەرلىك وليمپيادالاردىڭ 60 التىن مەدال يەگەرى ماراپاتتالدى. اتالعان جەتىستىكتەر ارقىلى الماتى قالاسىنىڭ قۇراما كومانداسى 18 جىل قاتارىنان «ق ر ەڭ ۇزدىك وليمپيادا كومانداسى» اتانىپ كەلەدى.
فەستيۆال اياسىندا ەسترادا جۇلدىزدارى، بالالار حورەوگرافيالىق ۇجىمدارى مەن "جۇلدىزدى ءسات" قالالىق بايقاۋى ۆوكاليستەرىنىڭ قاتىسۋىمەن مەرەكەلىك كونسەرت ءوتتى.
«Almaty BALAFEST» فەستيۆالى العاش رەت مەملەكەت باسشىسىنىڭ قاتىسۋىمەن 2022 جىلى بالالار جىلى اياسىندا وتكەن بولاتىن.