ەلىمىزدە تەك وندىرۋشىلەر عانا ەكسپورتتاي الاتىن تىڭايتقىشتاردىڭ جەكەلەگەن تۇرلەرىنىڭ تىزبەسى بەكىتىلدى.
ۇكىمەت مالىمەتىنشە، بۇل شارا وسى ءونىمدى ەل اۋماعىنان شىعارۋعا توسقاۋىل قويۋ جانە وتاندىق اۋىل شارۋاشىلىعى وندىرۋشىلەرىن قولداۋ ماقساتىندا قابىلدانىپ وتىر، دەپ حابارلايدى Almaty-akshamy.kz.
اتالعان نورما فەرمەرلەرگە اسا قاجەت اممونيي نيتراتى جانە امموفوس سياقتى تىڭايتقىشتار تۇرلەرىنە قاتىستى.
ىشكى نارىقتى، اسىرەسە، كوكتەمگى ەگىس ماۋسىمى كەزىندە وسى تىڭايتقىشتارمەن قامتاماسىز ەتۋ ماڭىزدى، بۇل ماقساتتا ۇكىمەت ولاردىڭ قۇنىن 50% كولەمىندە سۋبسيديالايدى.
سونىمەن بىرگە باعانىڭ تومەندىگىن الىپساتارلار دا پايدالانىپ كەتىپ جاتىر.
وسىلايشا، كەدەن ورگاندارى ەلىمىزدە سۋبسيديالاناتىن تىڭايتقىش وندىرۋشىلەردەن بولەك نارىق سۋبەكتىلەرى ەكسپورتتاعان فاكتىلەردى دە تىركەۋدە. بۇل وتاندىق اگرارييلەردىڭ سۇرانىسىن قامتاماسىز ەتۋگە كەرى اسەر ەتەدى. سوندىقتان ۇكىمەت تىڭايتقىشتاردىڭ وسى تۇرلەرىن تەك ولاردى وندىرۋشىلەرگە عانا ەكسپورتتاۋعا ايرىقشا قۇقىق بەرۋ تۋرالى شەشىم قابىلدادى.
وتاندىق اگرارييلەردىڭ تىڭايتقىشتارعا دەگەن سۇرانىسى ءوڭىر اكىمدىكتەرىنىڭ وتىنىمدەرىنە سايكەس باسىم تارتىپپەن قامتاماسىز ەتىلمەك.
ايتا كەتۋ كەرەك، قابىلدانعان قاۋلى نەگىزىندە زاڭدا بەلگىلەنگەن مەرزىمدە ءتيىستى ليسەنزيالار بەرۋ ءتارتىبىن رەتتەيتىن ءبىرقاتار نورماتيۆتىك-قۇقىقتىق اكتىلەر ازىرلەنەدى.
ق ر يندۋستريا جانە ينفراقۇرىلىمدىق دامۋ مينيسترلىگىنىڭ يندۋستريالىق دامۋ كوميتەتى ليسەنزيا بەرۋمەن اينالىسپاق.