ازىرلەۋشىلەر توبى ءقازىر پرەميۋم-نۇسقاسىن جاساپ جاتىر.
امەريكالىق ميللياردەر يلون ماسك Twitterء-دى اقىلى الەۋمەتتىك جەلىگە اينالدىرۋ جولىن قاراستىرىپ جاتىر، دەپ حابارلايدى Almaty-akshamy.kz
Platformer پورتالىنىڭ جازۋىنشا، ماسك پەن ونىڭ كەڭەسشىسى ديەۆيد ساكس اقىرعى كەزدەسۋىندە الەۋمەتتىك جەلىنى پايدالانۋشىلاردىڭ كوبىنە نەمەسە بارلىعىنا اقىلى ەتۋ يدەياسىن تالقىلاعان. مىسالى، الەۋمەتتىك جەلى پايدالانۋشىعا شەكتەۋلى ۋاقىت ىشىندە تەگىن بولۋى مۇمكىن، سودان كەيىن وعان بەتتى جۇكتەۋ ءۇشىن جازىلىم قاجەت بولادى.
ازىرلەۋشىلەر توبى ءقازىر الەۋمەتتىك جەلىنىڭ اقىلى پرەميۋم-نۇسقاسىن جاساۋمەن اينالىسىپ جاتقاندىقتان، بۇل جاڭالىق جاقىن ارادا ەنە قويماۋى مۇمكىن ەكەنىن جازىپتى باسىلىم.
27 قازاندا ماسك وسى اتتاس الەۋمەتتىك جەلىگە يە Twitterء-دى ساتىپ الۋ تۋرالى مامىلەنى جاپتى. كاسىپكەر Twitter مودەراسيا ماسەلەسىن زەرتتەيتىن ارنايى كەڭەس قۇرىپ جاتقانىن حابارلادى.
ميللياردەر الەۋمەتتىك جەلى قىزمەتكەرلەرىنىڭ 50%-عا جۋىعىن، ونىڭ ىشىندە كونتەنت مودەراسياسىنا جاۋاپتى كوماندانىڭ 15%-ىن جۇمىستان شىعارۋ تۋرالى شەشىم قابىلداعان-دى.