كەزدەسۋ بارىسىندا تاراپتار بىتىمگەرلىك قىزمەتتەگى گەندەرلىك اسپەكتىلەردى تالقىلادى.
جۇمىس ساپارى بارىسىندا كانادانىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى الان حەمسون مەن اسكەري اتتاشە ەكىنشى دارەجەلى كاپيتان رونالد گوتە بىتىمگەرلىك ميسسيالارعا قاتىسۋ ماقساتىندا اسكەري قىزمەتشىلەردى دايىندايتىن ورتالىقتىڭ قىزمەتىمەن تانىستى، دەپ حابارلايدى Almaty-akshamy.kz Ortcom.kz سىلتەمە جاساپ.
بىتىمگەرلىك دايىندىق ورتالىعىنىڭ باستىعى پولكوۆنيك باۋىرجان نىعمەتۋللين قورعانىس مينيسترلىگىنىڭ قۇرىلىمدىق بولىمشەسىنىڭ قۇرىلۋ تاريحى مەن اتقاراتىن قىزمەتىنىڭ باستى باعىتتارى تۋرالى ايتىپ بەردى.
ديپلوماتتار ودان باسقا وقۋ باعدارلامالارىمەن، سونىڭ ىشىندە بۇۇ-نىڭ بىتىمگەرلىك ميسسيالارى شەڭبەرىندە تىلدەردى قارقىندى دايارلاۋ جانە بەيبىت تۇرعىنداردى قورعاۋ كۋرستارىمەن تانىستى.
كەزدەسۋ بارىسىندا تاراپتار بىتىمگەرلىك قىزمەتتەگى گەندەرلىك اسپەكتىلەردى تالقىلادى. كانادا – بۇۇ قاۋىپسىزدىك كەڭەسىنىڭ «ايەلدەر. الەم. قاۋىپسىزدىك» 1325 رەزوليۋسياسىن بەلسەندى قوزعاعان ەل. بيىلعى جىلدىڭ ماۋسىم ايىندا كانادا ەلشىلىگىنىڭ قولداۋىمەن استانا مەن نيۋ-يوركتەگى «بۇۇ – ايەلدەر» قۇرىلىمىمەن بىرلەسىپ، وسى تاقىرىپ توڭىرەگىندە كۋرس وتكىزىلدى.