الماتى قالاسى بويىنشا قاج دەپارتامەنتىنە قاراستى №11 مەكەمەسىندە “ازاماتتاردىڭ قۇقىعىن قورعاۋ جانە قازىرگى قوعامداعى قۇقىقتىق مادەنيەت دەڭگەيىن ارتتىرۋ — الەۋمەتتىك تۇراقتىلىق پەن قۇقىقتىق ءتارتىپتى قامتاماسىز ەتۋدەگى باستى ءرولى” جوباسى اياسىندا “كامەلەتكە تولماعان سوتتالعاندار نە ءبىلۋى كەرەك؟” دەگەن تاقىرىپتا ترەنينگ ءوتتى.
باس بوستاندىعىنان ايىرىلعان جاستارعا ق ر پرەزيدەنتى جانىنداعى ۇلتتىق قۇرىلتاي مۇشەسى، ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا ءتوراعاسىنىڭ ورىنباسارى ايمان وماروۆا، “Human Rights Lawyers" قوعامدىق قورىنىڭ پرەزيدەنتى، زاڭگەر ءلاززات راقىشيەۆا، الماتى قالالىق ادۆوكاتتار القاسىنىڭ ادۆوكاتى عالىمجان جولداسبايەۆ جانە باسقا دا قۇقىق سالاسىنىڭ ماماندارى كەڭەس بەردى. اياعىن جازا باسقان جاسوسپىرىمدەرگە ادۆوكاتتار راقىمشىلىق تۋرالى زاڭدى ءتۇسىندىردى، بالالار قويعان سۇراقتارعا جاۋاپ بەردى.
بەلگىلى ادۆوكات ايمان مۇرات قىزى بالالاردى بوستاندىققا شىققاننان كەيىن دۇرىس ءجۇرىپ-تۇرۋعا، ءومىرىن جاقسى جاعىنا وزگەرتۋگە ۇمتىلۋعا، زاڭسىز ىستەرمەن اينالىسپاۋعا، تەلەگرام كانالى ارقىلى وزىنە تارتاتىن الاياقتارعا الدانباۋعا، كاسىپ مەڭگەرۋگە شاقىردى.
