بۇل تۋرالى ۇكىمەت وتىرىسىندا پرەمەر-مينيستردىڭ ورىنباسارى - ساۋدا جانە ينتەگراسيا ءمينيسترى سەرىك جۇمانعارين مالىمدەدى، دەپ حابارلايدى Almaty-akshamy.kz.
ونىڭ مالىمدەۋىنشە، تۇتىنۋشىلاردىڭ قۇقىقتارىن بۇزۋشىلىق تۋرالى وتىنىشتەردىڭ سانى جىل سايىن 20 پايىزعا وسەدى، دەپ جازدى قازاقپارات.
2022 جىلى مينيسترلىكتە 30،2 مىڭنان استام ءوتىنىش قارالدى. وسىعان ۇقساس جاعداي وزگە مەملەكەتتىك ورگانداردا دا بايقالىپ جاتىر. 2022 جىلى 50 مىڭعا جۋىق ءوتىنىش كەلىپ ءتۇستى، - دەپ مالىمدەدى جۇمانعارين.
وتىنىشتەر كوبىنە مىنا سالالاردان تۇسەدى:
- بولشەك ساۋدا – 48 پايىز
- تۇرمىستىق قىزمەتتەر – 19 پايىز
- ەلەكتروندىق ساۋدا – 9 پايىز
- تۇرعىن ۇي-كوممۋنالدىق شارۋاشىلىق – 5،6 پايىز .
وتىنىشتەردىڭ سانى مىنا سالالاردا ەڭ كوپ وسكەن:
- قوعامدىق تاماقتانۋ – 188 پايىز
- كولىك قىزمەتى – 143 پايىز
- مەديسينالىق قىزمەت – 113 پايىز
- بايلانىس قىزمەتى – 102 پايىز
بۇل رەتتە، تۇتىنۋشىلاردىڭ شاعىمدارىنىڭ سانى ىستەردىڭ ناقتى جاي-كۇيىن كورسەتپەيتىنىن ءتۇسىنۋ قاجەت، ويتكەنى قۇقىقتارى مەن زاڭدى مۇددەلەرى بۇزىلعان ازاماتتاردىڭ ءبارى دەرلىك مەملەكەتتىك ورگاندارعا جۇگىنبەيدى، بۇل جۇرگىزىلگەن سوسيولوگيالىق زەرتتەۋلەرمەن راستالادى، - دەدى ۆيسە-پرەمەر.