الەۋمەتتىك جەلىلەردە جاريالانعان 2023 جىلى 28 ماۋسىمدا "مەدەۋ" بيىك تاۋلى سپورت كەشەنىندە "ايت فەست" وتەدى دەگەن اقپاراتقا قاتىستى مەملەكەتتىك جارعىلىق كاپيتالعا 100 پايىز قاتىسۋشى بولىپ تابىلاتىن الماتى قالاسىنىڭ سپورت باسقارماسى، ءارى قاراي (ديرەكسيا)، (قۇرىلتايشىسى - "الماتى قالاسىنىڭ سپورت باسقارماسى" كمم) مىنانى حابارلايدى، بۇل اقپارات شىندىققا سايكەس كەلمەيدى.
"ايت فەست" فەستيۆالىن ۇيىمداستىرۋشى مەن ديرەكسيا اراسىندا فەستيۆالدى وتكىزۋ تۋرالى كەلىسسوزدەر جۇرگىزىلگەن جوق جانە ءتيىستى كەلىسىم جاسالمادى، دەپ حابارلايدى Almaty-akshamy.kz.
بۇدان باسقا، 2023 جىلدىڭ 27 ماۋسىمى مەن 29 ماۋسىمى ارالىعىندا "مەدەۋ" بيىك تاۋلى سپورت كەشەنىندە سپورت فەستيۆالىن وتكىزۋ جوسپارلانۋدا.
سونداي-اق، "ازيا داۋىسى" حالىقارالىق مۋزىكا فەستيۆالىن "مەدەۋ" بيىك تاۋلى سپورت كەشەنىندە وتكىزۋ جوسپارلانعاندىقتان 29 ماۋسىمنان باستاپ مونتاجداۋ جۇمىستارى مەن دەكوراسيالاردى رەسىمدەۋ جۇرگىزىلەدى، دەمەك مۇندا وزگە دە ءىس-شارالاردى وتكىزۋ مۇمكىن ەمەس.
ديرەكسيا جوعارىدا ايتىلعان جالعان اقپاراتتى تاراتۋ قالا تۇرعىندارىن اداستىرىپ، وبەكتىلەردىڭ جۇمىسىنا قولايسىزدىقتار تۋعىزاتىنىنا نازار اۋدارادى. ەگەر شىندىققا جاناسپايتىن وسىنداي جالعان اقپاراتتار جالعاساتىن بولسا، وندا ديرەكسيا قۇقىقتارى مەن زاڭدى مۇددەلەرىن قورعاۋ ءۇشىن قۇقىق قورعاۋ ورگاندارىنا جۇگىنەتىن بولادى.