ينستيتۋت ساۋدا نىساندارىمەن بىرلەسە جۇمىس اتقارادى.
تۇتىنۋشىلاردىڭ قۇقىعىن قورعايتىن ومبۋدسمەن ينستيتۋتىن ەنگىزۋ جوسپارلانىپ وتىر، دەپ حابارلايدى Almaty-akshamy.kz ساۋدا جانە ينتەگراسيا مينيسترلىگىنىڭ تۇتىنۋشىلار قۇقىقتارىن قورعاۋ كوميتەتىنىڭ باسپا ءسوز قىزمەتىنە سىلتەمە جاساپ.
ۆەدومستۆو دەرەگىنشە، تۇتىنۋشىلاردىڭ قۇقىعىن قورعاۋ ماسەلەلەرى جونىندەگى ومبۋدسمەن ينستيتۋتىن ەنگىزۋ تۋرالى زاڭ جوباسى ازىرلەنگەن. ول تۇتىنۋشىلار، عىلىمي قىزمەتكەرلەر مەن ساراپشىلاردىڭ اشىق تالقىلاۋىنان سوڭ قابىلدانادى.
جاڭا زاڭعا سايكەس، ومبۋدسمەن ينستيتۋتى سالالىق مەملەكەتتىك ورگاندار ازىرلەيتىن قۇقىقتىق اكتىلەردى دايىنداۋ پروسەسىنە مىندەتتى تۇردە قاتىسۋعا قۇقىلى بولادى. سونداي-اق، كەلىسىمشارتتاردا تۇتىنۋشىلاردىڭ قۇقىعىن شەكتەيتىن جاعدايلارعا جول بەرمەۋ ءۇشىن ەسكەرتۋ جاساۋعا قۇزىرلى.
ينستيتۋت ەلەكتروندىق ساۋدا سالاسىنداعى قوعامدىق قاتىناستاردى رەتتەۋ ءۇشىن ساۋدا نىساندارىمەن بىرلەسە جۇمىس اتقارادى.
ايتا كەتەيىك، بۇعان دەيىن قىزىلوردادا تۇتىنۋشىلار قۇقىعىن قورعاۋعا بايلانىستى تۇسەتىن شاعىم 30،4 ەسەگە كوبەيگەنىن حابارلاپ ەدىك.