بۇگىن شاھاردىڭ اۋەزوۆ اۋدانىندا قوعام بەلسەندىلەرىمەن سىندارلى ديالوگ ءوتتى.
الماتى پوليسياسىنىڭ باستىعى پيك جانە وسي توراعالارىمەن كەزدەستى، دەپ حابارلايدى Almaty-akshamy.kz Polisia.kz-كە سىلتەمە جاساپ.
الماتى قالالىق پوليسيا دەپارتامەنتىنىڭ باستىعى ارىستانعاني زاپپاروۆ اۋداندار بويىنشا پيك جانە وسي توراعالارىمەن كەزدەسۋ وتكىزۋ ناۋقانىن باستادى.
«قوعامدىق ديالوگ، جاريالىلىق، ادامداردىڭ مۇڭ-مۇقتاجدارىنا جەدەل دەن قويۋ – بارلىق مەملەكەتتىك ورگانداردىڭ جانە ءبىرىنشى كەزەكتە – پوليسيانىڭ باستى باسىمدىقتارى. قاۋىپسىزدىك پەن قوعامدىق ءتارتىپتى قامتاماسىز ەتۋگە قوعامدى تارتۋ دەڭگەيىن ارتتىرۋ كەزەك كۇتتىرمەيتىن قاجەتتىلىك، ويتكەنى ازاماتتار تۇراتىن جەرلەردە قىلمىس ماسەلەسىن تەك پوليسيا عانا شەشە المايدى. قازاقتا جاقسى ءسوز بار «جاياۋدىڭ شاڭى شىقپايدى – جالعىزدىڭ ءۇنى شىقپايدى» دەگەن. ەگەر بىردەڭە جاسايتىن بولساق، ونى تەك بىرگە جاسايمىز. پوليسيا قىزمەتكەرلەرى – سىزدەردىڭ بالالارىڭىز، كورشىلەرىڭىز، تۋىستارىڭىز. ولار دا ءبىزدىڭ قوعامنىڭ مۇشەلەرى. قوعامنىڭ ءبىر مۇشەسى بولا وتىرىپ، ءتارتىپ ورناتاتىن بولساق، سىزدە سىرتتا قالماۋىڭىز كەرەك»، – دەدى ارىستانعاني زاپپاروۆ.
پد-نىڭ باسشىسى اۋداننىڭ وزەكتى ماسەلەلەرىمەن، ۋچاسكەلىك پوليسيا ينسپەكتورلارىنىڭ جەرگىلىكتى جەرلەردە اتقارىپ جاتقان جۇمىستارىمەن تىكەلەي تانىسىپ، قاۋىپسىزدىكتى جاقسارتۋ جانە قىلمىستىڭ الدىن الۋ بويىنشا ۇسىنىستاردى تىڭدادى.
پيك ءتوراعالارى ۋچاسكەلىك پوليسيا قىزمەتكەرلەرىنىڭ Facebook الەۋمەتتىك جەلىسىنە جانە ولاردىڭ جالپى ءۇي چاتتارىنا قوسىلعاندارىن جوعارى باعالادى. ولاردىڭ ايتۋلارىنشا، بۇل ازاماتتاردىڭ وتىنىشتەرىنە جەدەل دەن قويۋعا جانە وقيعالاردان حاباردار بولۋعا مۇمكىندىك بەرەدى.