وتكەن جىلى وتاندىق تۇتىنۋشىلاردان 25 223 ءوتىنىش تۇسكەن.
ونىڭ 55 پايىزى - بولشەك ساۋداعا تيەسىلى، 15 پايىزى - تۇرمىستىق قىزمەت، 5 پايىزى - ەلەكتروندى ساۋدا، 4 پايىزى - تۇرعىن ءۇي كوممۋنالدىق شارۋاشىلىعىن جانە 3 پايىزى كولىك سالاسىنا قاتىستى، دەپ حابارلايدى Almaty-akshamy.kz
بۇگىن - دۇنيەجۇزىلىك تۇتىنۋشىلار كۇنى. وسى ورايدا ەلىمىزدە وتاندىق تۇتىنۋشىلاردىڭ كوبىنە قانداي قىزمەت ءتۇرى بويىنشا شاعىم جاسايتىنى ايتىلدى.
«جىل سايىن 15 ناۋرىز دۇنيەجۇزىندە تۇتىنۋشىلار كۇنى رەتىندە اتالىپ وتەدى. وتكەن جىلى ءبىزدىڭ كوميتەت وتاندىق تۇتىنۋشىلاردان كەلىپ تۇسكەن 25 223 ءوتىنىشتى قارادى. ونىڭ 55 پايىزى - بولشەك ساۋداعا تيەسىلى، 15 پايىزى - تۇرمىستىق قىزمەت، 5 پايىزى - ەلەكتروندى ساۋدا، 4 پايىزى - تۇرعىن ءۇي كوممۋنالدىق شارۋاشىلىعىن جانە 3 پايىزى كولىك سالاسىنا قاتىستى. بولشەك ساۋدا بويىنشا تاۋاردى 14 كۇننىڭ ىشىندە كەرى قابىلداۋدان باس تارتۋ جاعدايى 34 پايىزدى قۇرادى. سونىمەن قاتار ونىمگە قاتىستى اقپاراتتى ۇسىنباعان جاعداي 12 پايىزعا جەتتى»، - دەدى تۇتىنۋشىلار قۇقىعىن قورعاۋ جونىندەگى مەملەكەتتىك ساياساتتى قالىپتاستىرۋ باسقارماسىنىڭ باسشىسى رامازان بارانوۆ ب ا ق وكىلدەرىمەن كەزدەسۋ بارىسىندا.
سونداي-اق، باسقارما باسشىسى وتكەن جىلى جوندەۋ جۇمىسىن جۇرگىزۋ جانە جيھاز جاساۋعا قاتىستى تۇتىنۋشىلار تاراپىنان ايتارلىقتاي شاعىمنىڭ بارىن جەتكىزدى.
ودان بولەك، 2021 جىلى ەلەكتروندى ساۋدا قىزمەتىن قولدانۋشىلاردان (27 پايىز) تاۋاردى كەرى قايتارۋدا پروبلەما بولعانى ايتىلدى.