بۇگىن قازاقستان پرەزيدەنتى قاسىم-جومارت توقايەۆ بىرنەشە تاعايىنداۋ جاسادى.
مەملەكەت باسشىسى قاسىم-جومارت توقايەۆتىڭ جارلىعىمەن قازاقستاننىڭ بىرنەشە ەلدەگى توتەنشە جانە وكىلەتتى ەلشىسى تاعايىندالدى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
مەملەكەت باسشىسىنىڭ جارلىعى اقوردا سايتىندا جاريالاندى.
پرەزيدەنت جارلىعىنا سايكەس، ابزال ساپاربەك ۇلى قازاقستاننىڭ تۇركياداعى توتەنشە جانە وكىلەتتى ەلشىسى لاۋازىمىنان، البانيا رەسپۋبليكاسىندا ەلشى قىزمەتىن قوسا اتقارۋدان بوساتىلدى.
ونىڭ ورنىنا ەركەبۇلان ساپييەۆ قازاقستاننىڭ تۇركياداعى توتەنشە جانە وكىلەتتى ەلشىسى بولىپ تاعايىندالدى. ول ەندى تۇرىكمەنستانداعى ەلشى قىزمەتىن اتقارمايدى.
ورنىنا اسقار تاجىبايەۆ تاعايىندالدى. تاجىبايەۆ بۇعان دەيىن تاجىكستانداعى توتەنشە جانە وكىلەتتى ەلشى بولاتىن. پرەزيدەنت جارلىعىنا سايكەس، بۇل قىزمەتكە ءۋاليحان تورەحانوۆ تاعايىندالدى.
قازاقستاننىڭ كاناداداعى توتەنشە جانە وكىلەتتى ەلشىسى اقىلبەك كامالدينوۆ قازاقستاننىڭ كۋبا رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋدان بوساتىلدى.
بۇل مىندەت اندريان ەلەمەسوۆكە جۇكتەلدى.