قازاقستان قور بيرجاسى (KASE) 15:30-داعى جاعداي بويىنشا دوللاردىڭ ورتاشا سارالانعان باعامى 2،55 تەڭگەگە كوتەرىلىپ، 448،55 تەڭگەنى قۇرادى، دەپ حابارلايدى Almaty-akshamy.kz.
جۇڭگو ءيۋانىنىڭ ورتاشا سارالانعان باعامى ازداپ تومەندەپ، 61،48 تەڭگەنى (-0،05) قۇرادى.
ەۋرو باعامىن ۇلتتىق بانك 489،28 تەڭگە، ءرۋبلدى 4،53 تەڭگە دەپ بەلگىلەدى.
اقشا ايىرباستاۋ ورىندارىندا دوللار – 448،7-451،5 تەڭگە، ەۋرو – 491-495،5 تەڭگە، رەسەي ءرۋبلى – 4،39-4،59 تەڭگە ارالىعىندا ساتىلىپ جاتىر.
دۇيسەنبى كۇنگى تاڭعى ساۋدانىڭ باسىندا ۇلتتىق ۆاليۋتا باعامى ءبىر دوللارعا 449 تەڭگەگە دەيىن تومەندەدى.
ساۋدادا مۇنايدىڭ الەمدىك باعاسى قۇلدىراپ جاتىر. لوندوننىڭ ICE بيرجاسىندا Brent ماركالى مۇنايدىڭ قازان ايىنداعى فيۋچەرستەرىنىڭ قۇنى 1،12%-عا ارزانداپ، باررەلىنە 85،83 دوللاردى قۇرادى.
قىركۇيەك ايىندا جەتكىزىلەتىن WTI ماركالى مۇناي فيۋچەرستەرىنىڭ باعاسى باررەلىنە 1،23%-عا ارزانداپ، 82،16 دوللاردى قۇرادى.