الماتى وبلىسىنىڭ اكىمدىگىندە جەتىگەن كەنتىنىڭ اۋماعىندا تۇرىپ قالعان اۆتوبۋستارعا قاتىستى تۇسىنىكتەمە بەرىلدى، دەپ حابارلايدى Almaty-akshamy.kz.
ءوڭىر اكىمدىگى 2022 جىلعى 22 قازانداعى №4/547 قاۋلىسىمەن جىلجىمالى قۇرامنىڭ 300ء-ى وتەۋسىز نەگىزدە الماتى وبلىسىنا بەرىلگەنىن حابارلادى. بۇل اۆتوبۋستار جوندەۋدى قاجەت ەتتى جانە ءىشىنارا بولشەكتەلدى، -دەپ جازدى قازاقپارات.
«الماتى وبلىسىنىڭ اكىمدىگى قازىرگى ۋاقىتتا اقاۋلاردى انىقتاۋ، سونداي-اق اۆتوبۋستاردى قالپىنا كەلتىرۋ، باعالاۋ جۇمىستارىن جۇرگىزۋدە. وبلىس اكىمدىگى جوندەۋگە كەلەتىن ماشينالاردى رەتكە كەلتىرىپ، باعدارلارعا شىعارادى. قوسىپ وتەيىك، ءبىز كەيبىر ماشينالاردى جوندەي الدىق جانە ولار ءقازىر بىرنەشە ەلدى مەكەندەر اراسىندا ءجۇر. ءبىز جاڭا باعىتتاردى ماۋسىم ايىنىڭ ورتاسىندا تانىستىردىق»،-دەپ حابارلادى وبلىس اكىمدىگىنىڭ باسپا ءسوز قىزمەتىنەن.
اكىمدىكتىڭ مالىمەتىنشە، ماماندار قالپىنا كەلتىرۋگە بولاتىن ماشينالاردى الىپ كەتۋدە. ولار كۇردەلى جوندەۋدەن كەيىن ىسكە قوسىلادى.