وتكەن جىلى پوليسيا تۇرمىستىق جانجال تۋرالى 100 مىڭعا جۋىق حابارلاما تىركەدى.
بۇل تۋرالى ءىىم اكىمشىلىك پوليسيا كوميتەتى ءتوراعاسىنىڭ مىندەتىن اتقارۋشى رەنات زۋلحايروۆ ايتتى، دەپ حابارلايدى اlmaty-akshamy.kz.
«وتكەن جىلى پرەزيدەنتتىڭ تاپسىرماسىمەن تۇرمىستىق زورلىق-زومبىلىق ءۇشىن جاۋاپكەرشىلىك كۇشەيتىلدى. قىلمىستىق جانە اكىمشىلىك كودەكستەرگە تۇزەتۋلەر ەنگىزىلدى. 2023 جىلدىڭ 1 شىلدەسىنەن باستاپ پوليسيا ءوتىنىش بەرۋدەن تۇرمىستىق قۇقىق بۇزۋشىلىقتاردى تىركەۋدىڭ انىقتاۋشى سيپاتىنا كوشتى. اكىمشىلىك ءىس قوزعالادى. سوڭعى قۇقىقتىق باعالاۋدى سوت بەرەدى. جاڭا زاڭناما اياسىندا تۇرمىستىق جانجالدار تۋرالى 50 مىڭ ءوتىنىش قارالدى. ماتەريالداردىڭ 64 پايىز بويىنشا اكىمشىلىك ءىس جۇرگىزىلدى. اكىمشىلىك قاماۋعا الىنعان ادامداردىڭ سانى 2 ەسەگە ارتتى. سوتتا 27 مىڭنان استام وتباسى تاتۋلاستى»، - دەدى ول ورتالىق كوممۋنيكاسيالار قىزمەتىندەگى دوڭگەلەك ۇستەل بارىسىندا.
رەنات زۋلحايروۆتىڭ اتاپ وتۋىنشە، ءىىم زورلىق-زومبىلىققا ۇشىراعان وتباسىلارمەن الدىن الۋ جۇمىسىن جانداندىردى. وتكەن جىلى پوليسيادا تۇرمىستىق جانجال تۋرالى 100 مىڭعا جۋىق حابارلاما تىركەلگەن. ونىڭ ىشىندە 15 مىڭ تۇرمىستىق زورلىق-زومبىلىق فاكتىسىن پوليسيا قىزمەتكەرلەرى انىقتادى. بارلىق تىركەلگەن فاكتىلەر بويىنشا كىنالىلەر زاڭدا كوزدەلگەن جاۋاپكەرشىلىككە تارتىلدى.
«ءاربىر وتباسىلىق جانجالقوي زاڭمەن زورلىق-زومبىلىق جاساعانى ءۇشىن 5 تاۋلىكتەن باستاپ، ءومىر بويىنا باس بوستاندىعىنان ايىرۋعا دەيىن اكىمشىلىك قاماۋعا الۋ جاۋاپكەرشىلىگى قاراستىرىلعانىن ءبىلۋى كەرەك. وتكەن جىلى 79 مىڭنان استام قۇقىق بۇزۋشى اكىمشىلىك، مىڭعا جۋىق ازامات قىلمىستىق جاۋاپكەرشىلىككە تارتىلدى»، - دەدى ءىىم وكىلى.