قازاقستاندىق وتباسىلار اس ءۇي پليتاسىمەن 100 پايىز، ىدىس جۋاتىن ماشينامەن 34 پايىز عانا قامتىلعان.
ءساۋىر ايىنداعى كورسەتكىشتەر بويىنشا ساتىپ الىنعان تۇرمىستىق تەحنيكانىڭ باعاسى ءبىر جىلدا 18،1%-عا قىمباتتاعان، دەپ حابارلايدى Almaty-akshamy.kz Energyprom.kz-كە سىلتەمە جاساپ.
ۇلتتىق ستاتيستيكا بيۋروسىنىڭ مالىمەتىنە سەنسەك، 2021 جىلى قازاقستاندىق وتباسىلاردىڭ 100%-ى اس ءۇي پليتاسىمەن، 99،7%-ى توڭازىتقىشپەن، 96،1%-ى كىر جۋعىش ماششيينامەن، 94،1%-ى شاڭسورعىشپەن، 79،1%-ى قىسقا تولقىندى پەشپەن قامتىلعان. ال مۇزداتۋ كامەراسىن قازاقستاندىق وتباسىلاردىڭ 29،6%-ى، ەلەكتر قازاندى 28%-ى، تىگىن ماشيناسىن 27،9%-ى، كونديسيونەردى 24،1%-ى، توك پەشتى 18،5%-ى، ىدىس جۋعىش ماشينانى 3،4%-ى كۇندەلىكتى تۇرمىستا قولدانىپ ءجۇر. كىر جۋعىش ماشينامەن، شاڭسورعىشپەن، قىسقا تولقىندى پەشتەرمەن، ەلەكتر قازانمەن، كونديسيونەرمەن، توق پەشپەن، ىدىس جۋعىش ماشينامەن قامتىلۋ دەڭگەيى قالالىقتاردا جوعارى بولسا، اۋىل تۇرعىنداردى توڭازىتقىش، مۇزداتقىش، تىگىن ماشيناسى سياقتى تەحنيكانى قالالىقتاردان ءجيى ساتىپ الادى.
«10 وتباسى دەپ الساق، ولار 102 توڭىزىتقىش، 102 اس ءۇي پلتاسى، 97 كىر جۋعىش ماشينا، 95 شاڭسورعىش، 79 قىسقا تولقىندى پەش، 30 مۇزداتقىش، 28 تىگىن ماشيناسى، 28 ەلەكتر قازان، 26 كونديسيونەر، 20 توق پەش، 4 ىدىس جۋعىش ماشينا تيەسىلى. بيىلعى 3 ايدىڭ قورىتىندىسى بويىنشا، وتاندىق وندىرۋشىلەر بار بولعانى 322 تۇرمىستىق توڭازىتقىش پەن مۇزداتقىش جاساپ شىعارعان. ال وسى ۋاقىتتا 144، 9 مىڭ يمپورتتىق تەحنيكا اكەلىنگەن. ءبىرىنشى توقساندا قازاقستان اۋماعىنا 150،8 مىڭ كىر جۋعىش ماشينا مەن كىر كەپتىرگىش تەحنيكا، 89،1 مىڭ شاڭسورعىش، 181،9 مىڭ ميكسەر اكەلىنگەن. بۇل تەحنيكانىڭ ەشبىرى قازاقستاندا شىعارىلمايدى»، - دەلىنگەن Energyprom.kz اقپاراتىندا.
پورتالدىڭ جازۋىنشا، ءساۋىر ايىنداعى كورسەتكىشتەر بويىنشا ساتىپ الىنعان تۇرمىستىق تەحنيكانىڭ باعاسى ءبىر جىلدا 18،1%-عا قىمباتتاعان. اسىرەسە، الماتى وبلىسىندا 21،5% قىمباتتاۋ تىركەلگەن. سونداي-اق، جامبىل وبلىسى مەن (20،7%) جانە سولتۇستىك قازاقستان وبلىسى (20%) قىمبات وڭىرلەردىڭ ۇشتىگىنە كىرىپ وتىر. جەكە تەحنيكالارعا كەلسەك، توڭازىتقىشتار مەن مۇزداتقىشتار 15،8%-عا، اس ءۇي پليتاسى 17،2%-عا، كىر جۋعىش جانە ىدىس جۋعىش ماشينا 22%-عا، شاڭسورعىش 25،1%-عا قىمباتتاعان.