قازاقستاندىق عالىمدار «قازاق گەرالديكاسى» اتاۋمەن مەملەكەتتىك رامىزدەرگە ارنالعان كىتاپ شىعارۋدى جوسپارلاۋدا.
گەرالديكالىق زەرتتەۋلەر ورتالىعىنىڭ عالىمدارى ءقازىر ءتيىستى ماتەريالداردى جيناپ، زەرتتەۋ جۇمىستارىن جۇرگىزۋدە، دەپ حابارلايدى Almaty-akshamy.kz
عالىمداردىڭ ايتۋىنشا، رامىزدەردىڭ تاريحي سيمۆوليكالىق ءمانى وتە جوعارى. ونى تەرەڭنەن زەرتتەۋ تاريح قاتپارىندا قالعان تىڭ مالىمەتتەردى اشۋى مۇمكىن. بۇل مەملەكەتتىك رامىزدەردىڭ 30 جىلدىعىنا ارنالعان ۇلكەن تارتۋ بولماق.
"تاريح سالاسىنداعى عالىمدارىمىزبەن بىرگە ءقازىر «قازاق گەرالديكاسى» كىتابىن شىعارۋ ۇستىندەمىز. گەرالديكانىڭ ءوزى - وتكەن ءومىرىمىزدىڭ نەمەسە وتكەن عاسىرلارىمىزدىڭ تاريحى. قازىرگى تاڭدا وسى نىشانداردىڭ كەيبىرى قولدانىلىپ ءجۇر. ۇمىت بولعان گەرالديكالىق بەلگىلەردى، يەروگليفتەردى بۇگىندە عالىمدارىمىز زەرتتەپ جاتىر"، - دەدى گەرالديكالىق زەرتتەۋلەر ورتالىعىنىڭ ديرەكتورى اسىلبەك باياجۇما.