دەپۋتات داۋلەت تۇرلىحانوۆتىڭ بالاسىنىڭ ارەكەتى الەۋمەتتىك جەلىدە قىزۋ تالقىعا ءتۇستى.
قوعام پىكىرى ءارتاراپ. ءبىرى دەپۋتاتتى ورنىنان كەتۋىن كۇتسە، ەكىنشى تاراپ دەپۋتاتقا اقاراتتىق شابۋىل جاسالىپ جاتىر دەگەن پىكىر ءبىلدىردى، دەپ حابارلايدى Almaty-akshamy.kz.
داۋلەت تۇرلىحانوۆ اعامىزعا بىرنەشە ايدان بەرى اقپاراتتىق شابۋىل ۇيىمداستىرىلىپ جاتىر. ونى كەشەگى ۆيدەودان انىق بايقاۋعا بولادى. اعامىزدىڭ وزىنەن ىلىك تاپپاعان بىرەۋلەر ەندى اۋلەتىن اڭدۋعا كوشكەن سياقتى. ايتپەسە، الدەقاشان كامەلەت جاسقا تولىپ، ءوز كۇندەرىن وزدەرى كورىپ جۇرگەن بالالارىنىڭ سوڭىنان ۆيدەوكامەرامەن اڭدۋ كىمگە قاجەت بولدى؟ ءقازىر وسىنداي ءۇردىس بەلەڭ الىپ بارا جاتىر. وسىلاي كەتە بەرسەك ءبىر كۇنى ءبىر-بىرىمىزدى مۇقاتۋ ءۇشىن بالالارىمىزدى اڭديتىن جاعدايعا جەتۋىمىز مۇمكىن. ونىڭ سوڭى جاقسىلىققا اپارمايدى. ەشكىم دە بالاسىن جامان ادام بولسىن دەپ وسىرمەيدى.
كونستيتۋسيا بويىنشا كامەلەتكە تولعان ءار ادام ءوزىنىڭ قىلىعى ءۇشىن ءوزى جاۋاپ بەرەدى. ەكىنشىدەن، ادامنىڭ تاربيەسىنە تەك اتا-انا ەمەس، قوعامدىق ورتانىڭ دا قاتىسى بار ەكەنىن ۇمىتپايىق. «اينالاڭ ۇرى بولعان سوڭ، ادالدان ءبىر مال سويمايسىڭ» دەپ جازىپ ەدى مارقۇم ەسەنقۇل جاقىپبەك اعامىز. وتىزعا كەلگەن ازاماتتىڭ اكەسىنە بارىپ «بالاڭ نەگە ايەلىن ۇرادى؟» دەپ سۇراق قويۋ ءبىزدىڭ ەلدە عانا بار شىعار،-دەپ جازدى بەلگىلى ايتىس اقىنى سەرىكزات دۇيسەنعازين.
فيلولوگيا عىلىمدارىنىڭ كانديداتى سەرىكزات دۇيسەنعازيننىڭ پىكىرىنە جازۋشى، باسپاگەر ارمان المەنبەت
«بۇل كىسى ۇلكەن ساياساتتا جۇرگەن ادام عوي، مەنىڭ بىلۋىمشە. ول جاقتا ءارتۇرلى نارسە بولادى. ارا تۇسكەن ادام پايدا تاپپايدى-اۋ، اعا»، -دەگەن پىكىرىن جازدى.
بيلىك ادامدارىنا سىن كوزبەن قارايتىن دينا ەلگەزەك تە دەپۋتاتقا اراشا ءتۇسىپتى.
دەپۋتات داۋلەت تۇرلىحانوۆتىڭ ۇلىنا قاتىستى بەينەجازبانى تولىق قاراپ شىقتىم. ۆيدەودا قىزدىڭ ءوزى جىگىتكە قايتا-قايتا ۇرىنىپ جۇرگەنى انىق كورىنىپ تۇر. شىدامى تۇگەسىلگەن جىگىت وزىنە سوقتىعىسقان قىزدى يتەرىپ جىبەرەدى.
بۇل بەينەجازبانى ەڭ ءبىرىنشى كوزاچكوۆ كانالى «تۇرلىحانوۆتىڭ ەكىنشى ۇلى دا قىزدى ۇردى» دەپ سۇيىنشىلەي جەلىگە تاراتادى، ونى بۇكىل ب ا ق جاريالايدى، -دەپ جازدى جۋرناليست دينا ەلگەزەك فەيسبۋك پاراقشاسىندا.
ەسكە سالساق، بۇعان دەيىن تۇرلىحانوۆتىڭ ۇلى ايەلگە قول كوتەرگەنى تۋرالى جازعان ەدىك.