تيمۋر تۋرلوۆ – بىلتىر قازاقستان ازاماتتىعىن العان وليگارح.
ول جاڭا 5G ۇيالى بايلانىس وپەراتورىن قۇرۋعا نيەتتى ەكەنىن مالىمدەدى، دەپ حابارلايدى Almaty-akshamy.kz
«قازىرگى ۋاقىتتا مەن كوممۋنيكاسيالار نارىعىنا قاتتى قىزىعىپ ءجۇرمىن جانە تەلەكوممۋنيكاسيا ءبىزدىڭ ەكوجۇيەنىڭ جاڭا وزەگىنە اينالۋى ابدەن مۇمكىن، بۇل بىزگە شەشىمدەردىڭ تيىمدىلىگى مەن جىلدامدىعى تۋرالى يدەيانى وزگەرتۋگە مۇمكىندىك بەرەدى. سونىمەن قاتار ونى قابىلداۋ قاتەلەردى ازايتۋعا، ءونىمنىڭ قولجەتىمدىلىگى مەن ءومىر ءسۇرۋ ساپاسىنا اسەر ەتەدى. ءبىز الدىمىزعا بىرنەشە جىل ىشىندە مۇلدەم جاڭا 5G ۇيالى بايلانىس وپەراتورىن قۇرۋ مىندەتىن قويدىق. ءبىز ەلىمىزدەگى ەڭ ماڭىزدى ماسەلەلەردىڭ ءبىرىن ءوز موينىمىزعا الۋعا تىرىسۋدى ءجون كوردىك. ءبىز ينتەرنەتتىڭ بۇكىل ەلدە قولجەتىمدى بولۋىن قالايمىز. ال ول ءۇشىن وتە ارزان قۇرىلىستى باستاۋ كەرەك. سوندا بىزدە بولاشاقتىڭ مەديسيناسى، بولاشاقتىڭ ءبىلىمى، قاۋىپسىزدىك بولادى»، - دەدى ول.
تيمۋر تۋرلوۆ – اقش-تا تىركەلگەن جانە قازاقستاندا «Freedom Finance Bank Kazakhstan» اق (بۇرىنعى Kassa Nova Bank) ساقتاندىرۋ كومپانياسىنىڭ جالعىز قاتىسۋشىسى بولىپ تابىلاتىن «Freedom Finance» اق ارقىلى قازاقستاندا جۇمىس ىستەيتىن Freedom Holding Corp. ينۆەستيسيالىق توبىنىڭ نەگىزىن قالاۋشى جانە اكسيونەرى.
ول Forbes جۋرنالىنىڭ «قازاقستاننىڭ ەڭ ىقپالدى 50 بيزنەسمەنى - 2022» تىزىمىندە 8ء-شى ورىندى يەلەندى. سوڭعى مالىمەتتەر بويىنشا ونىڭ بايلىعى 3،5 ميلليارد دوللار شاماسىندا.