ءتۇرلى ماسەلەلەردى شەشۋگە كومەكتەسەمىن دەپ الماتىلىقتاردى الداپ كەلگەن زاڭگەر ۇستالدى

ماسەلەنى شەشۋگە كومەكتەسەمىز دەپ ۋادە بەرگەن زاڭگەر الماتىلىقتاردى الداپ كەتتى

ماسەلەنى شەشۋگە كومەكتەسەمىز دەپ ۋادە بەرگەن زاڭگەر الماتىلىقتاردى الداپ كەتتى،  دەپ حابارلايدى Almaty-akshamy.kz Polisia.kz-كە سىلتەمە جاساپ.

«LEGAL FORCE» ج ش س ديرەكتورى زاڭ سالاسىنداعى ءتۇرلى ماسەلەلەردى شەشۋگە ۋادە بەرىپ، ادامداردى الداعان.

«انىقتالعانداي، 39 جاستاعى ب.ەسىمدى ازامات كوپتەن بەرى اڭعال ازاماتتارعا ءتۇرلى ماسەلەلەردى شەشۋدە قۇقىقتىق قولداۋ كورسەتۋ بويىنشا ءوز قىزمەتتەرىن ۇسىنىپ كەلەدى. ودان ءارى سەنىمگە كىرىپ، كليەنتتەرمەن ويدان شىعارىلعان كەلىسىم-شارتتار جاسادى. الايدا قاراجاتتى العاننان كەيىن جاسىرىنىپ جۇرگەن. قازىرگى تاڭدا پوليسياعا 5 ادام ارىزداندى»، – دەدى مەدەۋ اۋداندىق پوليسيا باسقارماسىنىڭ باستىعى داۋرەن وتەبايەۆ.

جەدەل-ىزدەستىرۋ ءىس-شارالارى بارىسىندا كۇدىكتى قۇرىقتالدى. قىلمىستىق ءىس ق ر قك-نىڭ 190-بابى 3-بولىگى (بىرنەشە رەت جاسالعان الاياقتىق) بويىنشا تەرگەلۋدە.

«كۇدىكتى الماتى قالالىق پد ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ ءبىزدىڭ بولىمشەنىڭ تەرگەۋ ءبولىمىنىڭ قىزمەتكەرلەرىنە جۇكتەلدى. اتالعان ادامنىڭ زاڭسىز ارەكەتىنەن زارداپ شەككەندەرگە مىنا تەلەفون نومىرلەرى ارقىلى حابارلاسۋدى ۇسىنامىز: 8-727-254-48-02؛ 8-727-254-48-10؛ 8-702-476-66-60»، – دەدى داۋرەن وتەبايەۆ.