1992 جىلى سىرت ەلدىڭ سىرىن ۇعۋعا ۇلكەن ءمان بەرىلدى
ءبىر جىل ىشىندە قازاق ەلىن الەمنىڭ 106 مەملەكەتى تانىدى، دەپ حابارلايدى Almaty-akshamy.kz 24.kz-كە سىلتەمە جاساپ
وسى ۇدەرىستىڭ سوڭى ىنتىماققا ۇلاسىپ، 61 مەملەكەتپەن ديپلوماتيالىق قارىم-قاتىناس ورنادى. ەلىمىز ەۋروپاداعى قاۋىپسىزدىك جانە ىنتىماقتاستىق ۇيىمىنىڭ تولىق مۇشەسى اتاندى.
الەمدىك بۇۇ-عا، يۋنەسكو-عا مۇشە بولۋ مۇمكىندىگى تۋدى. ەلدەستىرمەك ەلشىدەن. ءدال وسى جىلى ءبىرقاتار ەلدە قازاقستاننىڭ ەلشىلىكتەرى اشىلا باستادى.
بەس قارۋىن سايلاعان
1992 جىلى مەملەكەت باسشىسى «قارۋلى كۇشتەر قۇرۋ تۋرالى» جارلىققا قول قويدى. قورعانىس مەملەكەتتىك كوميتەتى قورعانىس مينيسترلىگى بولىپ قايتا قۇرىلدى. ۆەدومستۆوعا كەڭەس وداعىنىڭ باتىرى ساعادات نۇرماعامبەتوۆ جەتەكشىلىك ەتتى.
وسىلايشا قازاقستاننىڭ ءوز ارمياسى قۇرىلدى. سونىمەن قاتار «ىشكى ىستەر ورگاندارى» جانە «ۇلتتىق قاۋىپسىزدىك ورگاندارى» تۋرالى زاڭدار قابىلداندى.
تاعى ءبىر ماڭىزدى قۇجات - «شەكارا اسكەرلەرىن قۇرۋ تۋرالى» جارلىق بولدى.
ەلتاڭبا، تۋ جانە ءانۇران
1992 جىلعى 4 ماۋسىمدا تاۋەلسىز قازاقستاننىڭ ەلتاڭباسى، تۋى جانە ءانۇرانى بەكىتىلدى. وسىلايشا ەل كوگىنە كوك تۋ كوتەرىلىپ، ەلتاڭبا ەلگە تانىلدى. ءانۇران اۋەلەدى.
تاعدىر تالايىمەن تورتكۇل دۇنيەنىڭ تۇكپىر-تۇكپىرىنە تارىداي شاشىراعان قايمانا قازاق اتاجۇرتتا باس قوستى. الماتىدا دۇنيە ءجۇزى قازاقتارىنىڭ تۇڭعىش قۇرىلتايى ءوتتى.