وڭىرلىك كوممۋنيكاسيالار قىزمەتىندە وتكەن بريفينگتە الماتى قالاسى تۇركسىب اۋدانى اكىمىنىڭ ورىنباسارى نايل لەبايەۆ اۋداندا قانشا مەكتەپ پەن بالاباقشا سالۋعا بولاتىنى تۋرالى ايتتى، دەپ حابارلايدى اlmaty-akshamy.kz.
سپيكەردىڭ ايتۋىنشا، بۇگىندە اۋداندا 30 مەكتەپ بار، ولاردىڭ ۇشەۋى عانا جەكە مەنشىكتە. بارلىق مەكتەپتەردە 33 389 وقۋشى ءبىلىم الادى. وقۋشى ورىندارىنىڭ تاپشىلىعى 1540 ورىندى قۇرايدى.
«ونى تومەندەتۋ ءۇشىن "قايرات" شاعىناۋدانىندا 1500 ورىندى جالپى ءبىلىم بەرەتىن مەكتەپ جانە ۆولوچايەۆسكايا كوشەسى، 357 مەكەنجايىندا 300 ورىندىق جەكە مەكتەپ اشۋ جوسپارلانۋدا. وسى جىلدىڭ ءۇشىنشى توقسانىندا ساۋرانبايەۆ كوشەسىندەگى قولدانىستاعى نىساندى بۇزا وتىرىپ، №59 مەكتەپ-گيمنازياسىنىڭ جاڭا عيماراتىنىڭ قۇرىلىسىن باستاۋ جوسپارلانۋدا. سونىمەن قاتار، "المەرەك"جانە "جاس قانات" شاعىناۋداندارىندا 1050 ورىندىق №195 جانە №198 جالپى ءبىلىم بەرەتىن مەكتەپتەرگە قوسالقى عيمارات سالۋعا جسق ازىرلەۋ جوسپارلانعان"، - دەپ حابارلادى وكق سپيكەرى.
سونداي-اق، بورالداي كوشەسى، 44 مەكەنجايىنداعى №50 جالپى ءبىلىم بەرەتىن مەكتەپتىڭ سەيسموتۇراقتىلىعىن كۇشەيتۋ جانە سەلسكوحوزيايستۆەننايا كوشەسى، 21 مەكەنجايىنداعى №83 گيمنازيا عيماراتىنىڭ فيليالىن كۇردەلى جوندەۋ بويىنشا جسق ازىرلەۋىن كۇتۋدە.
سونىمەن قاتار، ن. لەبايەۆ 2022 جىلى 342 ورىنعا ارنالعان 6 جەكەمەنشىك مەكتەپكە دەيىنگى ۇيىم اشىلعانىن حابارلادى. سونداي-اق، "جاس قانات-2" شاعىناۋدانىندا 260 ورىندى مەملەكەتتىك بالاباقشا جانە وگاريەۆ كوشەسى، 2 مەكەنجايىندا ورنالاسقان 190 ورىندى بالاباقشا قۇرىلىسىنا جسق ازىرلەنۋدە.
وسى جىلدىڭ مامىر ايىندا №70 ساناتورلىق بوبەكجايدا كۇردەلى جوندەۋ مەن سەيسميكالىق نىعايتۋ جۇمىستارى باستالدى. كۇزدە "المەرەك" شاعىناۋدانىندا 320 ورىندىق بالاباقشا قۇرىلىسىنا جسق ازىرلەۋگە بايقاۋ جاريالاۋ جوسپارلانۋدا.
الماتى قالاسىنىڭ وڭىرلىك كوممۋنيكاسيالار قىزمەتىنىڭ حابارلامالارى جانە ماتەريالدارىمەن ءبولىسۋ كەزىندە وكق-عا سىلتەمە جاساۋ مىندەتتى.