الماتى اكىمى باقىتجان ساعىنتايەۆ جۇمىس ساپارى كەزىندە جولداردىڭ، سۋمەن جابدىقتاۋ جەلىلەرىنىڭ قۇرىلىسى مەن جاڭا اۋدانداردى اباتتاندىرۋ جۇمىستارىنىڭ ساپاسى مەن بارىسىن تەكسەردى، دەپ حابارلايدى almaty-akshamy.kz
«نۇرشاشقان» ىقشاماۋدانىندا 28،8 شاقىرىم سۋ قۇبىرى مەن 18،6 شاقىرىم سۋ بۇرۋ جەلىسىنىڭ قۇرىلىسى اياقتالۋعا جاقىن. ورتالىقتاندىرىلعان جۇيە 821 ءۇيدى قامتاماسىز ەتەدى، تۇرعىندار سانى - 3،5 مىڭ ادام. ب. ساعىنتايەۆ ابونەنتتەردى قوسۋدى جانە جولداردى قالپىنا كەلتىرۋدى تەزدەتۋدى تاپسىردى. جالپى ۇزىندىعى 16،6 شاقىرىمدى قۇرايتىن 43 كوشەنىڭ 37-سىنە اسفالت توسەلدى، جولدىڭ ۇستىڭگى قاباتىن قالپىنا كەلتىرۋدى قىركۇيەك ايىنىڭ سوڭىنا دەيىن اياقتاۋ جوسپارلانۋدا.
شاعىناۋدان تۇرعىندارىنا جوعارى جىلدامدىقتى ينتەرنەتكە قول جەتكىزۋ ءۇشىن جەكە كومپانيا تالشىقتى-وپتيكالىق بايلانىس قۇردى. بۇگىندە 245 ءۇي ينتەرنەت پەن تەلەديدار قىزمەتتەرىن قولدانادى. الەۋمەتتىك جاعىنان وسال جانە كوپ بالالى وتباسىلار ءۇشىن ايىنا 500 تەڭگەدەن باستالاتىن جەڭىلدىكتەر قاراستىرىلعان. جىل سوڭىنا دەيىن جوبا ماياك جانە المەرەك ىقشاماۋداندارىندا جۇزەگە اسادى. سونىمەن قاتار، كومپانيا قالانىڭ باسقا شالعاي اۋداندارىنىڭ تۇرعىندارىنا قىزمەت كورسەتەدى.
المەرەك ىقشاماۋدانىندا 5،5 مىڭنان استام ادام تۇرادى. مۇندا 1113 ءۇي بار. ءبىرىنشى كەزەڭدە 819 ءۇي جاڭا جەلىلەرگە قوسىلعان. ەكىنشىسىندە ونى ىسكە اسىرۋ كەلەسى جىلعا جوسپارلانعان، قالعان ۇيلەر قوسىلادى. 51 كوشەنىڭ 25ء-ى اسفالتتالعان، جالپى ۇزىندىعى 17،2 كم. 26 كوشەدە جۇمىس جالعاسۋدا.
قايرات ىقشاماۋدانىندا 1292 ءۇي بار، 5،5 مىڭنان استام ادام تۇرادى. سۋمەن جابدىقتاۋدىڭ جاڭا جەلىلەرنە قوسۋ اياقتالۋدا. جولداردى قالپىنا كەلتىرۋ جانە سالۋ جالعاسۋدا. ۇزىندىعى 20 كم-دەن اساتىن 43 كوشە اسفالتتالدى، 21 كوشەدە جۇمىس جالعاسۋدا.
باقىتجان ساعىنتايەۆ سونىمەن قاتار «نۇرلى جەر» باعدارلاماسى بويىنشا «قايرات» ىقشاماۋدانىنداعى تۇرعىن ءۇي كەشەنىنىڭ قۇرىلىس بارىسىمەن تانىستى. كەشەن 2062 پاتەرلى 35 ۇيدەن تۇرادى. مىڭداعان مۇقتاج جاندار قولجەتىمدى باسپانامەن قامتاماسىز ەتىلەدى، ونىڭ ىشىندە كوپ بالالى وتباسىلار، حالىقتىڭ الەۋمەتتىك وسال توپتارى مەن جۇمىس ىستەيتىن جاستار بار. قالا اكىمىنىڭ تاپسىرماسى بويىنشا الەۋمەتتىك جانە تۇرمىستىق نىساندارعا ءۇي-جاي بەرىلەدى.
سونداي-اق مەگاپوليس اكىمىنە زاكارپاتسكايا كوشەسىنىڭ بويىندا ينجەنەرلىك جەلىلەردىڭ قۇرىلىسىنىڭ جوسپارى كورسەتىلدى، وندا 70 ءۇي بار، وندا 290 ادام تۇرادى. 4،5 سۋ قۇبىرى مەن 1 كم كاناليزاسيا جۇرگىزۋ قاجەت.
باقىتجان ساعىنتايەۆ اباتتاندىرۋدىڭ ەكىنشى كەزەڭى ءجۇرىپ جاتقان ماياك ىقشاماۋدانىنداعى ساياباق ايماعىندا بولدى. جوبا ويىن الاڭدارىن، گيمناستيكا مەن Workout الاڭدارىن سالۋدى، سونداي-اق دەمالىس ايماقتارىن كوگالداندىرۋ مەن جارىقتاندىرۋدى قاراستىرادى.
تۇركسىب اۋدانىنىڭ تاعى ءبىر جاڭا ساياباق جاربۇلاق وزەنىنىڭ جاعاسىندا، بۇقتىرما - مايلين كوشەلەرىنىڭ قيىلىسىندا سالىنۋدا. جوبا جالپى اۋماعى 6،5 گا بولاتىن «اسپان» ساياباق ايماعىن ۇيىمداستىرۋدى قاراستىرادى. كىشى ارحيتەكتۋرالىق فورمالار، ورىندىقتار، ويىن الاڭدارى مەن سپورت الاڭدارى، قۇرعاق شكافتار، قوقىس جاشىكتەرى ورناتىلادى. ساياباقتىڭ وسىمدىك قورى رەتكە كەلتىرىلەدى.
كاسسينا مەن كوتەلنيكوۆ كوشەلەرىنىڭ قيىلىسىندا رەنوۆاسيا باعدارلاماسى بويىنشا 30 اپاتتى ءۇيدى بۇزۋ جوسپارلانۋدا. بۇل الاڭدا 820 پاتەرلىك 27 بەس قاباتتى ءۇي سالىنادى. العاشقى ەكى ءۇي وسى كۇزدە پايدالانۋعا بەرىلەدى. ب.ساعىنتايەۆ قۇرىلىستىڭ مەرزىمى مەن ساپاسىنا نازار اۋداردى. قالا تۇرعىندارىنىڭ ءومىر ءسۇرۋ ساپاسىن جاقسارتۋ جانە مەگاپوليستىڭ تۇرعىن ءۇي قورىن جاڭارتۋ ماقساتىندا ەسكى اۋدانداردا جوندەۋ جۇمىستارى جۇرگىزىلىپ جاتقانى ءمالىم.
الماتى اكىمى كوسترومسكايا كوشەسىنىڭ بويىندا گابيوندى كونسترۋكسيالاردان جاسالعان تىرەك قابىرعا قۇرىلىسىنىڭ بارىسىمەن، بالالاردىڭ وڭالتۋ ورتالىعىنىڭ عيماراتىن قايتا جاڭارتۋ جوباسىمەن تانىستى. سونداي-اق، قالا اكىمى كۇردەلى جوندەۋ جۇمىستارى ءجۇرىپ جاتقان ءبىرىڭعاي ديسپەچەرلىك قىزمەتتىڭ عيماراتىندا بولدى.