الماتى اكىمى تۇركسىب اۋدانىنداعى ەسكى تۇرعىن ۇيلەردى جاڭارتۋ باعدارلاماسى بويىنشا ۇيلەردىڭ قۇرىلىس بارىسىمەن تانىستى
جۇمىس ساپارى اياسىندا قالا اكىمى ەربولات دوسايەۆ ەسكى تۇرعىن ۇيلەردى جاڭارتۋ باعدارلاماسى بويىنشا تۇرعىن ۇيلەردى سالۋ جانە تۇرعىنداردى كوشىرۋ بارىسىمەن تانىستى.
ينۆەستيسيالىق جوبا شارتى مەن الماتى قالاسى اكىمدىگىنىڭ 2020 جىلعى 11 قىركۇيەكتەگى قاۋلىسى نەگىزىندە تۇركسىب اۋدانىندا سەيفۋللين، كاسسين، كوتەلنيكوۆ، اقان سەرى كوشەلەرىنىڭ اۋماعىنداعى «Qazaq Stroy» قۇرىلىس سالۋشىسى 8 كوپپاتەرلى تۇرعىن ءۇيدى سالىپ جاتىر.
- 2022 جىلى وسى اۋماقتا ءبىرىنشى كەزەك بويىنشا 119 پاتەرگە ارنالعان 6 قاباتتى ەكى ءۇي سالىنىپ، پايدالانۋعا بەرىلدى، وعان جاقىن ماڭداعى ەسكى ۇيلەردىڭ تۇرعىندارى كوشىرىلدى.
- ەكىنشى كەزەكتى تۇرعىن سالۋ ءۇشىن ەكى قاباتتى 12 ەسكى ءۇي بۇزىلدى. ولاردىڭ ورنىندا بيىل ماۋسىم ايىندا 429 پاتەرگە ارنالعان 6 كوپپاتەرلى ءۇيدىڭ قۇرىلىسى اياقتالادى، ونىڭ 130-ى – ەسكى تۇرعىن ءۇي تۇرعىندارىنا ارنالعان.
- ءۇشىنشى كەزەكتى ءۇي سالۋدى باستاۋ ءۇشىن 160 پاتەردەن تۇراتىن 18 ەسكى ءۇيدىڭ تۇرعىندارىن ەكىنشى كەزەكتەگى ۇيلەرگە كوشىرۋ قاجەت. الايدا 34 مەنشىك يەسى كوشۋگە ءالى كەلىسكەن جوق، 126-سى ايىرباۋعا كەلىستى.
پاتەر يەلەرىنىڭ كوپشىلىگى توزىعى جەتكەن ۇيدەگى جاعدايدىڭ جوقتىعىن ايتىپ، ولاردى تەزدەتىپ كوشىرۋدى سۇرايدى. ولاردىڭ ايتۋىنشا، تۇرعىن ءۇيدى جوندەۋگە كەلىسپەيتىن مەنشىك يەلەرى ءوز پاتەرىن جالعا بەرەدى، سوندىقتان تۇرعىن ءۇي جاعدايىن جاقسارتۋعا مۇددەلى ەمەس. ءوز كەزەگىندە قالا اكىمى تۇرعىندارعا مەنشىك يەلەرىنىڭ 100% كەلىسىمىنسىز ينۆەستور قونىس اۋدارۋدى باستاي المايتىنىن ءتۇسىندىردى. مۇنىڭ شەشىمى رەتىندە ەربولات دوسايەۆ ءوزى قۇرعان قونىس اۋدارۋ قورىن تارتۋدى ۇسىندى. ەسكى تۇرعىن ءۇيدى قالدىرۋعا كەلىسكەن ازاماتتار قوردىڭ پاتەرلەرىنە بىرتىندەپ قونىستانا باستايدى.
«ءبىز كۇردەلى قۇرىلىس كاسىپورنى ارقىلى توزىعى جەتكەن ۇيلەردى بوساتۋدى باستايمىز. سىزدەردىڭ جاعداي جاسالعان جاڭا تۇرعىن ۇيگە كوشكەنىڭىزدى قالايمىن، ويتكەنى مەن وسىنداي پاتەرلەرگە بارعان كەزدە اكىم رەتىندە جۇرەگىم اۋىرادى»، - دەدى قالا باسشىسى.
تۇرعىندار اكىمگە تۇرعىندار كوشكىسى كەلمەيتىن مونشا، باۋ-باقشا، باسسەين، گاراجى بار كوپتەگەن زاڭسىز عيماراتى بار ەسكى ۇيلەر تۋرالى ايتىپ بەردى. مەگاپوليس باسشىسى قالا قۇرىلىسىن باقىلاۋ باسقارماسىنا ءوز بەتىنشە سالىنعان عيماراتتاردىڭ زاڭدىلىعىن تەكسەرۋدى تاپسىردى. سونىمەن قاتار، كەزدەسۋدە تۇرعىندار كوتەرگەن بارلىق ماسەلە زاڭ اياسىندا شەشىلەتىنىن جەتكىزدى.
ەسكى تۇرعىن ءۇيدى جاڭاسىنا اۋىستىرعان قالا تۇرعىندارى قالا اكىمىنە العىس ءبىلدىردى.
«ەسكى ۇيلەر قورقىنىشتى، ءومىر سۇرۋگە كەلمەيتىندەي جاعدايدا ەدى. ءقازىر بىزدە جاڭا، تازا پاتەرلەر بار. مەن بۇل ۇيگە ەكى جىل بۇرىن قونىستاندىم، ءبىز وتە قۋانىشتىمىز»، - دەدى جاڭا عيماراتتىڭ تۇرعىنى.
ەربولات دوسايەۆ اۋدان اكىمدىگىنە جاڭا ۇيلەردىڭ اۋماعىن اباتتاندىرۋ مەن كوگالداندىرۋدى باقىلاۋدى، سونداي-اق تۇراق ورىندارىن قاراستىرۋدى جۇكتەدى.
مەگاپوليس باسشىسى جايلى قالالىق ورتا قۇرۋ – اكىمدىك جۇمىسىنىڭ باستى باعىتتارىنىڭ ءبىرى، ال ەسكى تۇرعىن ءۇي ماسەلەسى تۇركسىب اۋدانىنداعى ەڭ وزەكتى ماسەلەنىڭ ءبىرى بولىپ قالا بەرەتىنىن اتادى.
ايتا كەتەيىك، تۇركسىب اۋدانىندا كوپپاتەرلى تۇرعىن ءۇي قورىندا 1247 ءۇيدى بار، جوندەۋدى قاجەت ەتەتىن ەسكى ۇيلەردىڭ سانى 586.