بۇل تۋرالى قالا باسشىسى تۇرعىندارمەن كەزدەسۋ بارىسىندا ايتتى.
وسى پروبلەمانى شەشۋ ءۇشىن «تۇزدىباستاۋ» پودستانسياسى سالىنىپ جاتىر، دەپ حابارلايدى Almaty-akshamy.kz
تۇركسىب اۋدانىندا ەلەكترمەن جابدىقتاۋ جەلىلەرىنىڭ 70%-ى توزعان. سونىڭ سالدارىنان جەلىلەر ءجيى ءۇزىلىپ، جارىق ءسونىپ جاتادى.
«قالاعا قوسىلعان "قايرات"، "المەرەك"، "نۇرشاشقان" شاعىناۋداندارىنىڭ جەلىلەرى ابدەن توزعان. وندا جەلىلەر قۋاتتى تالعار اۋداندىق ەلەكتر ستانسياسىنان الادى. ال ستانسيانىڭ الىس ورنالاسۋى ەلەكتر ەنەرگياسىنىڭ تۇراقتى بەرىلۋىنە دە كەرى اسەر ەتەدى»، – دەدى دوسايەۆ.
وسى پروبلەمانى شەشۋ ءۇشىن «تۇزدىباستاۋ» پودستانسياسى سالىنىپ جاتىر. قۇرىلىسى 2022 جىلدىڭ جەلتوقسان ايىندا اياقتالادى.
«2022 جىلدىڭ سوڭىنا دەيىن "شۋاقتى" شاعىناۋدانداعى ەلەكتر جەلىلەرى جاڭارتىلادى. سوسىن اۋدانداعى 26 جەردەگى جالپى ۇزىندىعى 21،1 كم جەلىلەردى جاڭارتۋ جۇمىستارى اياقتالادى»، – دەدى قالا اكىمى.