جىل سوڭىنا دەيىن ۇزىندىعى 6،5 شاقىرىم (رىسقۇلوۆ داڭعىلىنان اۋەجايعا دەيىن) كىشى الماتى وزەنىنىڭ ارناسىن كەڭەيتىپ، تەرەڭدەتۋ جۇمىستارى اياقتالادى، - دەدى الماتى قالاسى اكىمىنىڭ م.ا. ە.ا. دوسايەۆ تۇركسىب اۋدانىنىڭ تۇرعىندارىمەن كەزدەسۋىندە.
ارنانىڭ بويىمەن ادامدار جۇرەتىن جولدار سالىنىپ، Workout كەشەنى جانە سىرتقى جارىقتاندىرۋ جەلىلەرى ورناتىلعان. قازىرگى ۋاقىتتا توتەنشە جاعداي جەلىسى بويىنشا سۋ باساتىن ۇزىندىعى 3،8 شاقىرىم 11 ۋچاسكەنى جويۋ ءۇشىن جۇمىستار جۇرگىزىلۋدە. بۇگىنگى كۇنى 4 مەكەنجاي بويىنشا جۇمىستار اياقتالدى، 7 ۋچاسكە جەلتوقسان ايىندا اياقتالادى.
سونداي-اق، جىل سوڭىنا قاراي الماتى-1 كوللەكتورىن قالپىنا كەلتىرۋ جۇمىستارى اياقتالادى، ول زورگە كوشەسىندەگى جاڭبىر سۋلارىن اعىزىپ اكەتۋدى قامتاماسىز ەتەدى.
تۇراقتى سۋ باساتىن ۇزىندىعى 41 شاقىرىم قوسىمشا 57 ۋچاسكە انىقتالدى. جەلتوقساندا سۋ باسۋدىڭ الدىن الۋ ءۇشىن جاڭا ارىق جەلىلەرىن سالۋ جۇمىستارى باستالىپ، 2023 جىلى جەلتوقساندا اياقتالادى.