قاۋىپسىزدىك، جايلىلىق، كوگالداندىرۋ: الماتى قالاسىنىڭ تۇركسىب اۋدانىندا سەرۋەندەۋگە ارنالعان 3 جاڭا ورىن اباتتاندىرىلدى، دەپ حابارلايدى almaty-akshamy.kz
الماتى قالاسىنىڭ تۇركسىب اۋدانىن اباتتاندىرۋ اياسىندا اعىمداعى جىلى مولداعالييەۆ كوشەسى مەن چەحوۆ كوشەسىندەگى جاياۋ-سەرۋەندەۋ ايماعى اياقتالدى، سونداي-اق №6 وقۋشىلار ءۇيىنىڭ جانىنداعى ساياباق قايتا رەكونسترۋكسيالىندى. بۇل جوبالار ساۋرانبايەۆ كوشەسىندە بۇرىن جابدىقتالعان سەرۋەندەۋ ايماعىنىڭ جالعاسى بولىپ تابىلادى.
اۋدان تۇرعىنى نۇرسۇلۋ ورازبەكوۆانىڭ ايتۋىنشا، مولداعالييەۆ كوشەسىندەگى جاياۋ-سەرۋەندەۋ ايماعى جايلى، كەشكە دە جاقسى جارىقتىڭ ارقاسىندا سەرۋەندەۋگە ىڭعايلى. ول مەكتەپتەن كەيىن نەمەرەلەرىمەن بۇل جەردە ءجيى قىدىرادى.
اكىمدىك «حالىق قاتىساتىن بيۋدجەت» باعدارلاماسىن ىسكە اسىرۋ بويىنشا جۇمىستى جالعاستىرۋدا. اعىمداعى جىلى تۇركسىب اۋدانى ءۇشىن 82 جوبانى ىسكە اسىرۋعا 1،5 ملرد تەڭگە ءبولىندى. بۇگىندە اۋلالاردى جارىقتاندىرۋدى، ويىن الاڭدارىن سالۋدى، تەرەڭدەتىلگەن قوقىس كونتەينەرلەرىن ورناتۋدى جانە جاياۋ جۇرگىنشىلەر كوپىرلەرىن جوندەۋدى قوسا العاندا، 58 نىسان اياقتالدى. قاراشا ايىنىڭ سوڭىنا دەيىن تاعى 24 جوبانى اياقتاۋ جوسپارلانۋدا، ونىڭ ىشىندە ويىن الاڭدارىن سالۋ، جاياۋ جۇرگىنشىلەر كوپىرلەرىن جوندەۋ جانە جاياۋ جۇرگىنشىلەر مەن سەرۋەندەۋ ايماقتارىن اباتتاندىرۋ.
سونداي-اق، اعىمداعى جىلدىڭ قازان ايىنىڭ سوڭىنا دەيىن اۋەجاي الاڭىنا جوندەۋ جۇمىستارى اياقتالادى، ونىڭ اياسىندا فونتان، سۋارۋ جۇيەسى ورناتىلىپ، جاياۋ جۇرگىنشىلەر جولدارى جاڭارتىلادى.