الماتى اكىمى تۇركسىب اۋدانى تۇرعىندارىمەن كەزدەستى.
كەزدەسۋدە اۋدان كولەمىندە سالىنىپ جاتقان جانە الداعى ۋاقىتتا بوي كوتەرەتىن الەۋمەتتىك نىساندار جايلى ءسوز بولدى، دەپ حابارلايدى Almaty-akshamy.kz.
ساپالى مەديسينالىق قىزمەت كورسەتۋ ءۇشىن قازىرگى ۋاقىتتا «نۇرشاشقان» شاعىن اۋدانىندا 100 ادام قابىلدايتىن دارىگەرلىك امبۋلاتوريانىڭ قۇرىلىسى ءجۇرىپ جاتىر. جۇمىستار 2023 جىلدىڭ قىركۇيەك ايىندا اياقتالادى. سونداي-اق، وسى جىلدىڭ مامىر ايىندا ايباسوۆ كوشەسى، 28 مەكەنجايىندا 200 ادام قابىلدايتىن دارىگەرلىك امبۋلاتوريانىڭ قۇرىلىسى باستالدى (قۇرىلىستى وسى جىلدىڭ جەلتوقسان ايىندا اياقتاۋ جوسپارلانۋدا).
«قايرات» شاعىن اۋدانىندا 340 ادام قابىلدايتىن ەمحانا سالۋعا جوبالاۋ-سمەتالىق قۇجاتتاما ازىرلەۋ جۇمىستارىن اياقتاۋ وسى جىلدىڭ قازان ايىنا جوسپارلانعان.
«رۆ-90» شاعىن اۋدانىندا وتباسىلىق-دارىگەرلىك امبۋلاتوريا سالۋعا جوبالاۋ-سمەتالىق قۇجاتتاما ازىرلەۋ ءۇشىن كونكۋرس وتكىزىلۋدە. ءىVء-شى توقساندا «المەرەك» شاعىن اۋدانىندا وتباسىلىق-دارىگەرلىك امبۋلاتوريا سالۋ ءۇشىن جوبالاۋ-سمەتالىق قۇجاتتاما ازىرلەۋگە كونكۋرس جاريالانادى.
الەۋمەتتىك جانە سپورتتىق باعىتتاعى وبەكتىلەردىڭ «جاقىن ورنالاسۋىن» قامتاماسىز ەتۋ بويىنشا قارقىندى جۇمىس جالعاسۋدا.
وسى جىلدىڭ ءىىى-شى توقسانىندا «جاس قانات» شاعىن اۋدانىندا (جالپى اۋدانى 7،4 مىڭ م2) وتكىزۋ قابىلەتى ءبىر اۋىسىمدا 150 ادامدى (كۇنىنە 4 اۋىسىم) قۇرايتىن زاماناۋي دەنە شىنىقتىرۋ-ساۋىقتىرۋ كەشەنى (ءۇشىنشى ۇزارتۋ) اشىلادى. سونداي-اق وسى جىلدىڭ ءساۋىر ايىندا مايلين كوشەسى، 42 ا مەكەنجايىندا («اۆياتور») دەنە شىنىقتىرۋ-ساۋىقتىرۋ كەشەنىن سالۋعا جوبالاۋ-سمەتالىق قۇجاتتاما ازىرلەۋگە كونكۋرس جاريالاندى.